|
क्रिकेट कॉकटेल
Author: द्वारकानाथ संझगिरी
Publisher: मैत्रेय प्रकाशन
|
|
Price: $6.85 $5.48 20% OFF ( ~200 Pages, R200)*
Reaches you in 4 to 5 weeks. We do not carry inventory. Availability status of Marathi books is always fluid. We promptly post refund for OutOfPrint books. (More options)
|
* Price does not include shipping charge. It is calculated for the the full order.
Note: Because of lack of uptodate information, certain books could be out of print or unavailable. In such case, the cost for those books will be refunded in full to you.
Synopsis:
प्रहार ७ जून २०१५
क्रिकेटची नशा वाढवणारे कॉकटेल
कॉकटेल म्हणजे अनेक पेयांचे एकत्रित केलेले मिश्रण. यात विविध प्रकारची पेये एकत्र असतात मात्र ते पिताना प्रत्येक पेयाचा वेगळा स्वाद आपल्या जिभेला जाणवत असतो.
कॉकटेल म्हणजे अनेक पेयांचे एकत्रित केलेले मिश्रण. यात विविध प्रकारची पेये एकत्र असतात मात्र ते पिताना प्रत्येक पेयाचा वेगळा स्वाद आपल्या जिभेला जाणवत असतो. तसेच प्रसिद्ध क्रिकेट समालोचक द्वारकानाथ संझगिरी यांचे क्रिकेट कॉकटेल हे पुस्तक आहे.
संझगिरी यांचे हे पुस्तक म्हणजे त्यांनी वृत्तपत्रांतून, तसेच अनेक नियतकालिकांमधून लिहिलेल्या लेखांचा एकप्रकारे कोलाज आहे. यात सचिन आहे, त्याचे विक्रम आहेत, डॉन ब्रॅडमनच्या आठवणीही आहेत, आजी-माजी खेळाडूंचे रंजक किस्से, हूजच्या मृत्यूची संवेदनशील आठवण आहे.
क्रिकेटच्या निमित्ताने द्वारकानाथ संझगिरी जगभरात अनेक ठिकाणी फिरले. या प्रवासादरम्यान त्यांना अनेक अनुभव आले. दिग्गज खेळाडूंच्या विस्मरणीय खेळी पाहण्यास मिळाल्या. अनेक दिग्गजांच्या गाठीभेटी झाल्या. याचा सर्व लेखाजोखा त्यांनी या पुस्तकात मांडला आहे.
पुस्तकात संझगिरी यांनी मर्मबंधातील ठेव, क्रिकेटमधल्या दादांची तुलना, त्रिशतकवीर, हूजच्या मृत्यूच्या निमित्ताने, आजी-माजी महान खेळाडू आणि थोडं मैदानाबाहेरचं या सदरांमध्ये अनेक रंजक किस्से आणि आठवणीतले लेख दिले आहेत.
पुस्तकातील त्यांच्या मर्मबंधातील सदरात त्यांनी सचिनचे अनेक किस्से आणि आठवणी सांगितल्या आहेत. सचिनच्या २४ वर्षाच्या कारकिर्दीतील १० सोनेरी खेळी, सचिन आणि ब्रॅडमन, गोलंदाजीतही द्विशतकवीर यांसारख्या अनेक प्रकरणांचा समावेश या सदरात आहे.
संझगिरी यांची लेखनशैली फारच बोलकी आहे. ज्यामुळे वाचताना रंजकता निर्माण होते आणि वाचन कंटाळवाणे ठरत नाही. त्यांचे अजि म्या ब्रॅडमन पाहिले हे वाचताना वाचकाला जणू आपणच ब्रॅडमन यांची भेट घेतल्याचा भास होतो.
सध्याच्या घडीला क्रिकेटमध्ये द्विशतक, त्रिशतक झळकावणे पूर्वीसारखे कठीण राहिलेले नाही. क्रिकेटमधल्या अशाच आठवणीत राहिलेल्या दोन त्रिशतकांबद्दल त्यांनी त्रिशतकवीर या सदरात लिहिले आहे. पाकिस्तानचा माजी क्रिकेटपटू इंझमाम उल हक आणि भारताचा क्रिकेटपटू विरेंद्र सेहवाग. न्यूझीलंडविरुद्ध इंझमामने झळकावलेले त्रिशतक आणि भारताच्या सेहवागने पाकिस्तानविरुद्ध झळकावलेल्या शतकाचे वर्णन संझगिरी यांनी अतिशय सुंदर शब्दांत केले आहे.
गेल्या वर्षी ऑस्ट्रेलियाचा क्रिकेटपटू फिल हूजचे डोक्याला चेंडू लागल्याने निधन झाले. त्याची संवेदनशील आठवणी संझगिरी यांनी या पुस्तकात करून दिली आहे. त्याची क्रिकेटमधील कारकिर्दीची ओळख त्यांनी या प्रकरणात दिली आहे. तसेच त्याच्या मृत्यूनंतर क्रिकेटमध्ये उभ्या ठाकलेल्या प्रश्नांची चर्चाही त्यांनी हूजच्या मृत्यूच्या निमित्ताने या लेखात केली आहे.
अखेरचे प्रकरण मैदानाबाहेरच थोडंसं या सदरात त्यांनी क्रिकेट कसं बदलतंय, क्रिकेटपटूंची जीवनशैली कशी बदलतेय, शाहरुख आणि सुनील गावस्कर यांच्यातील वाद यावर प्रकाशझोत टाकला आहे. नांदा सौख्यभरे या लेखात त्यांनी राहुल द्रविडच्या विवाहासंबंधीची वेगळी आठवण दिली आहे.
Other Links:
|
 |
|
|
क्रीडा