|
आई, मला असं वाढव !
Author: संजय जानवळे
Publisher: साकेत प्रकाशन
|
|
Price: $7.46 $5.96 20% OFF ( ~230 Pages, R245)*
Reaches you in 4 to 5 weeks. We do not carry inventory. Availability status of Marathi books is always fluid. We promptly post refund for OutOfPrint books. (More options)
|
* Price does not include shipping charge. It is calculated for the the full order.
Note: Because of lack of uptodate information, certain books could be out of print or unavailable. In such case, the cost for those books will be refunded in full to you.
Synopsis:
म. टा. ६ जुलै २०१४
पालक होण्याच्या वाटेवर ...
-- अमिता बडे
बाळाची चाहूल लागल्यानंतर आई-वडिल होण्याची जाणीव सुखद असते. पण या सुखद जाणिवेबरोबरच त्याच्या संगोपनाची आणि त्याला एक उत्तम नागरिक बनवण्याची जबाबदारीही फार मोठी असते. पूर्वीच्या काळात असलेल्या एकत्र कुटुंबपद्धतीमुळे ही जबाबदारी घरातील वडिलधारी मंडळी अगदी सहजपणे पार पाडत. पण आत्ताच्या काळात असलेल्या विभक्त कुटुंबपद्धतीमुळे ही जबाबदारी पूर्णपणे आई-वडिलांचीच असते. घरातील वडिलधारी मंडळींच्या ज्ञानापासून, त्यांच्याकडे असलेल्या अनुभवांच्या संचितापासून पुढची पिढी वंचित राहत आहे. या नव्याने झालेल्या आई-वडिलांना योग्य आणि समर्पक मार्गदर्शनाची गरज असते. त्यातच काही परंपरागत रुढींचा पगडा आणि चुकीचे समज यामुळे या नवीन पालकांचा गोंधळ उडतो. मात्र, मुलांच्या संगोपानाबाबतचे योग्य आणि अचूक मार्गदर्शन डॉ. संजय जानवळे यांनी लिहिलेल्या आई, मला असं वाढव! या पुस्तकातून करण्यात आले आहे.
केवळ शारीरिक वाढीवर टिप्पणी न करता मुलांचा मानसिक विकास आणि सर्वांगिण वाढ कशी होईल, यावरही डॉ. संजय जानवळे यांनी नेमके भाष्य केले आहे. डॉ. जानवळे यांनी या पुस्तकात त्यांना डॉक्टरकीची प्रॅक्टिस करताना आलेल्या अनुभवांच्या संचितांना शब्दरुप दिले आहे. ही माहितीपर प्रकरणे लिहिताना डॉक्टरांनी अतिशय साध्या शब्दांचा वापर केल्याने हे पुस्तक वाचनीय झाले आहे. त्याचप्रमाणे सर्वसामान्यांना रुचेल अशा रीतीने या पुस्तकाची मांडणी करण्यात आली आहे. आपल्या बाळाची काळजी घेताना, त्याचे संगोपन करताना, त्यांना वाढवत असताना आई-बाबा सहजपणे अमलात आणू शकतील अशा टिप्सही या पुस्तकात देण्यात आल्या आहेत. समजायला आणि आचरणात आणायला सोप्या असल्याने या टिप्स सहजपणे पाळल्या जाऊ शकतात.
या पुस्तकामध्ये प्रसूतिपूर्व काळापासून ते थेट मुलाला शाळेपर्यंत नेईपर्यंत, पालकांनी कशा पद्धतीने वागायला हवे, याचे नेमके मार्गदर्शनही यात केले आहे. साधी भाषा, कठीण शास्त्रीय विषयही सोप्या शब्दांत समजावून सांगण्याची डॉक्टरांची हातोटी, उत्तम निर्मितीमूल्य यामुळे हे पुस्तक नवोदित पालक होण्याच्या वाटेवर असलेल्यांसाठी नक्कीच उपयुक्त ठरेल.
Maharashtra Times Review
|
 |
|
|
आरोग्य