|
उत्कर्षाची गुप्त रहस्ये
Author: हर्बर्ट कॅसन
Publisher: उत्कर्ष प्रकाशन
|
|
Price: $3.42 $2.73 20% OFF ( ~120 Pages, R100)*
Reaches you in 4 to 5 weeks. We do not carry inventory. Availability status of Marathi books is always fluid. We promptly post refund for OutOfPrint books. (More options)
|
* Price does not include shipping charge. It is calculated for the the full order.
Note: Because of lack of uptodate information, certain books could be out of print or unavailable. In such case, the cost for those books will be refunded in full to you.
Synopsis:
लोकसत्ता रविवार, १६ मे २००४
उत्कर्षक्षम तत्त्वांचा वस्तुपाठ!
'कॉमनसेन्स इज नॉट सो कॉमन' या सामान्य तत्त्वाची प्रचीती आपण कित्येकदा अनुभवत असतो. एखादी साधी गोष्ट अथवा कृती आपण अगदी विचारपूर्वक करीत असतो. तरीही एखाद्या वेळी नकळत का होईना; त्यातून मनाजोगं काही साध्य होत नाही. आणि मग आपसूकच लक्षात येतं की, जी काही अपेक्षापूतीR करायची होती; त्यासाठी आवश्यक ती पूरक पावलं उचलण्यात आपण कमी पडलो... असा अनुभव कोणत्याही छोटया छोटया गोष्टींबाबत येत असतो. सध्याच्या स्पर्धात्मक युगात करीआरमेकिंगबाबत युवा पिढीला पावलोपावली झगडावे लागत आहे, तडजोड करावी लागत आहे. अशा वेळी अपेक्षित ध्येयप्राप्तीसाठी कठोर परिश्रमांबरोबरच जिद्द, चिकाटी व संयम टिकवून ठेवत स्वत:च्या व्यक्तिमत्त्वातही निर्णायक बदल घडवून आणावा लागतो. ती या नव्या युगाची रीतच होऊन बसली आहे.
आपण कित्येकदा किती सहज उदगारतो, 'आत्मविश्वास, प्रबळ इच्छाशक्ती, सकारात्मक दृष्टिकोन, योग्य नियोजन वा कठोर परिश्रम' या गोष्टी कोणा दुसर्‍याकडून शिकायच्या नसतात, त्यातही पुस्तकातून तर नव्हेच! यशस्वी जीवनाची मुहूर्तमेढ रोवण्यास पूरक असणार्‍या या गोष्टी स्व-आनुभवातून शिकायच्या असतात. स्वत:हूनच सदसदविवेकाने, जाणीवपूर्वक आत्मसात करायच्या असतात. परंतु, अशी कितीतरी उदाहरणं आहेत, जिथे जाणीवपूर्वक प्रयत्न व परिश्रमाची पराकाष्ठा करुनही अपेक्षित यश मिळत नाही. आत्मपरीक्षण करुनही आपण कुठे चुकलो, याचं योग्य उत्तर सापडत नाही. अशा वेळी कोणाचाही आत्मविश्वास व उमेद गळून पडते. परिणामी, ती व्यक्ती नौराश्यग्रस्त, असुरक्षित बनते. वेळ पडल्यास चुकीचं अथवा स्वत:चं भावी आयुष्य धोकयात येऊ शकेल, अशी पावलं उचलण्यास ती व्यक्ती उदयुक्त होते. म्हणूनच आजच्या स्पर्धात्मक युगात प्रत्येक तरुणाला स्वत:च्या व्यक्तिमत्त्वाला नानाविध पौलू पाडण्यासाठी पावलोपावली सजग राहावं लागतं. शिकाऊ वृत्तीचा अंगीकार करुन स्वत:ला यशस्वी करावं लागतं. आयुष्याच्या या निर्णायक वळणावर स्वत:ला बर्शाप करण्यासाठी म्हणा अथवा या नव्या युगातील तंत्र-मंत्र शिकण्यासाठी म्हणा, काही प्रचलित हातखंडे वापरावी लागतात.
आशाच प्रेरणादायी व मार्गदर्शक कानमंत्रांची उजळणी करुन देणारी काही उपयुक्त मराठी पुस्तकं अलीकडेच प्रसिद्ध झाली आहेत. विक्रीचे उच्चांक मोडणार्‍या 'यू कॅन विन' या प्रसिद्ध पुस्तकाचे लेखक शिव खेरा यांच्या 'लिव्हिंग विथ ऑनर' या दुसर्‍या बेस्टसेलर पुस्तकाचा मराठी अनुवाद 'जगा... पण सन्मानानं!' या नावाने प्रसिद्ध झाला आहे. शिव खेरा यांच्या मार्गदर्शनाचा लाभ उठविणार्‍यांची संख्या अमाप आहे. त्यांच्या पुस्तका
त्येक वाकय वाचकाला अंतर्मुख करतं. ''विजेते वेगळया गोष्टी करत नाहीत. ते प्रत्येक गोष्ट वेगळेपणाने करतात.'' या वाकयाचं तर त्यांनी टरेडमार्क मिळवलं आहे. त्यांचं हे दुसरं पुस्तक म्हणजे दिशादशीR नकाशासारखं आहे. सन्मानानं जगण्यासाठी आवश्यक अशा साधनांची ओळख करुन देण्याबरोबरच हे पुस्तक स्वाभिमानानं जगण्याचा मार्गही दाखवतं. व्यवहारातील छोटया छोटया गोष्टी पटवून देण्यासाठी शिव खेरा यांनी गोष्टीरुपी उतार्‍यांचा आधार घेतला आहे. या उतार्‍यांमधून वाचकांना समस्यांचं, त्यावरील योग्य उपायांचं आकलन होत जातं. मूळ पुस्तक 'लिव्हिंग विथ ऑनर'चा हा मराठी अनुवाद नितीन कोतापल्ले व दिलीप लाठी यांनी केला असून तो सहजसुंदर झाला आहे.
आशाच आशयाचं, 'विजयी मी होणार', हे विश्राम शिरवाडकर यांचं पुस्तक म्हणजे सध्याच्या युगात यशस्वी होण्यासाठी आवश्यक कानमंत्रांचा वस्तुपाठच आहे. 'व्यक्तिमत्त्व आणि चारित्र्य हा विकासाचा मार्ग आहे', हे सामान्य तत्त्व पटवून देण्याचा प्रयत्न शिरवाडकरांनी केला आहे. या पुस्तकात शिव खेरा, स्टीफन कोव्ही, नेपोलियन हिल, डेल कार्निज, ए. पी. परेरा आदींच्या विचारांचीच दखल घेण्यात आली आहे. परिणामी, हे पुस्तक शिव खेरा यांच्या 'यू कॅन विन'ची पुनरावृत्ती असल्याचे वेळोवेळी जाणवते.
आजूबाजूचे जग बघता सध्या प्रत्येकाला इन्स्टंट यश मिळविण्याची घाई झाल्याचे दिसून येते. म्हणूनच अल्पावधीत यशप्राप्तीसाठी स्वयंरोजगार निर्मितीची प्रेरणा देणार्‍या अमेरिकी लेखक ए. पी. परेरा यांच्या 'सक्सेस इन थर्टी डेज' या मूळ पुस्तकाचा विश्वनाथ देशपांडे यांनी 'तीस दिवसांत यश' या नावाने मराठी अनुवाद केला आहे. भारतासारख्या देशात जिथे सरकारी, खाजगी नोकर्‍या सहज उपलब्ध होत नाहीत, तिथे युवावर्गाला उद्योग, व्यापार आदी क्षेत्रांत झेप घेण्यास प्रवृत्त करणारा असा प्रेरणादायी कृती कार्यक्रमच या पुस्तकात मांडण्यात आला आहे.
यशस्वी जीवनाचा शिल्पकार तोच बनतो, जो पावलोपावली स्व-उत्कर्ष साधतो. स्व-उत्कर्ष साधण्यासाठी स्व-आनुभवांबरोबरच इतरांच्या उदाहरणात्मक अनुभवांवरुनही धडा घ्यायचा असतो. प्रसिद्ध लेखक हर्बर्ट कॅसन यांच्या 'सिक्रेटस ऑफ सकसेस ऑफ सेल्फ-इंम्प्रुव्हमेंट' या पुस्तकाचा 'उत्कर्षाची गुप्त रहस्ये' या नावाने मराठी अनुवाद प्रसिद्ध झाला आहे. वा. ल. मंजूळ यांनी संपादित केलेल्या या पुस्तकात 'यशाचे मनोविज्ञान', 'व्यक्तिगत कार्यक्षमता आणि आत्मोन्नती' व 'स्फूतीR-साधना' अशा तीन भागांमध्ये मूळ ग्रंथातील १५० निवडक उतार्‍यांचे वगीRकरण करण्यात आले आहे. हे पुस्तक केवळ संदर्भ-साहित्य नसून वाचकांसाठी स्फूर्तिनिधान ठरेल, असे आहे.
एखाद्याच्या दौनंदिन आचरणाला यशस्वी वळण देण्यासाठी मैलिक समुपदेशन (काऊंसलिंग) करण्याचे काम ही पुस्तके करतात. वर्तमान समाजाची लक्षणे, माणसामाणसांमधील परस्पर व्यवहार आदी घटक लक्षात घेऊन एखाद्याचा जीवनमार्ग यशाकडे कसा जाईल, याचा यथार्थ ऊहापोह या पुस्तकांमध्ये करण्यात आला आहे. म्हणूनच ही पुस्तके म्हणजे तत्त्वज्ञान नव्हे किंवा साहित्यिकांप्रमाणे कोणाच्या भावविश्वाला गवसणी घालण्याचाही अभिनिवेश नव्हे, याची दखल वाचकांनी घ्यायला हवी.
आशिष जाधव
अनुवाद- नितीन कोत्तापल्ले,
|
|
|
|
अनुवाद