|
दाट काळा पाऊस
Author: भारत सासणे
Publisher: मॅजेस्टिक प्रकाशन
|
|
Price: $15.23 $12.18 20% OFF ( ~380 Pages, R500)*
Reaches you in 4 to 5 weeks. We do not carry inventory. Availability status of Marathi books is always fluid. We promptly post refund for OutOfPrint books. (More options)
|
* Price does not include shipping charge. It is calculated for the the full order.
Note: Because of lack of uptodate information, certain books could be out of print or unavailable. In such case, the cost for those books will be refunded in full to you.
Synopsis:
मराठी कथेचे पारंपरिक संकेत ओलांडून
आपल्या स्वतंत्र मुद्रेची कथा-दीर्घकथा नव्या मार्गावर नेणे हे सोपे काम नव्हते.
भारत सासणे यांनी प्रतिभेच्या बळावर ते साध्य केले आहे. एकाचवेळी वास्तवदर्शनाच्या व उद्बोधनाच्या अदृश्य प्रेरणा मूर्त करण्याचे काम
त्यांच्या दीर्घकथा करतात. सत्यनिष्ठेला आणि विश्वकरुणेला स्पर्श करणार्‍या या दीर्घकथा सर्वसामान्य माणसाच्या जगण्याबद्दल आणि त्याच्या अस्तित्वाच्या लढायांबद्दल आत्मीय अशी
आस्था बाळगतात. या गुणवैशिष्ट्यांमुळे
भारत सासणे लिखित दीर्घकथा विशेष, वेगळ्या, जीवनस्पर्शी, गुणवत्तायुक्त आणि
श्रेष्ठकोटीच्या होऊन जातात. - मराठीत, मराठीबाहेर आणि त्याही बाहेरच्या
ज्ञात साहित्यक्षेत्रातसुद्धा अशा दीर्घकथा
___अपवादानेच लिहिलेल्या आढळतात. भारत सासणे यांनी मराठी कथा-दीर्घकथेच्या परंपरेला जे
दखलपात्र असे योगदान दिले आहे, ते मराठी साहित्याला समृद्ध करणारे आहे;
हे तथ्य सन्मानपूर्वक स्वीकारावे लागते.
======
सुप्रसिद्ध साहित्यिक भारत सासणे यांच्या सहा दीर्घकथांचा अगदी नवा संग्रह म्हणजे- 'दाट काळा पाऊस'. आपल्या लेखनाच्या पहिल्या टप्प्यावरच दीर्घकथेविषयी, तिच्या रचनातंत्राविषयी आपली ठोस आणि स्पष्ट भूमिका घेऊन त्यांनी अर्थपूर्ण आणि गुणवत्तायुक्त अशा दीर्घकथा लिहिल्या. केवळ कथेची लांबी वाढली की ती दीर्घकथा होते, या समजाला खोटं ठरवत दीर्घकथा हा स्वतंत्र असा वाङ्मयप्रकार आहे, अशी जाणीवपूर्वक मांडणी करीत तिची स्वायत्तता आणि स्वयंभूत्व सिद्ध करीत जवळजवळ चाळीस वर्षे त्यांनी हा वाङ्मयप्रकार सक्षमपणे हाताळला (आज मराठीत दीर्घकथेला मिळणारी पसंती हे याचे उत्तम उदाहरण सांगता येईल.).
भारत सासणे म्हटले की आपल्याला आठवतो त्यांचा 'चिरदाह' हा कथासंग्रह. त्यातली डफ, एका प्रेमाची दास्तान यांसारख्या कथा. रसरशीत अनुभव आपल्या ओघवत्या शैलीत मांडणार्‍या आणि पूर्वसुरी कथेच्या तुलनेत आपल्या कथेची पृथगात्मता सिद्ध करणार्‍या या त्यांच्या कथा वाचकांनी डोक्यावर घेतल्या. हा प्रवास पुढे 'अस्वस्थ विस्तीर्ण रात्र', 'अनर्थ', 'अदृष्ट', 'ऐसा दुस्तर संसार', 'त्वचा' अशा दीर्घकथा संग्रहांच्या माध्यमातून अधिक सशक्तपणे घडत गेला. या परंपरेत आपली वेगळी वाट शोधणारे कथाकार म्हणून सासणे यांच्या नावाला तत्कालीन जाणकार समीक्षक-वाचकांनी पसंतीची पावती दिली, ती या कथेतील पृथगात्मता जोखूनच.आताच्या नव्या कथासंग्रहात एकूण सहा दीर्घकथा आहेत. या सहाही दीर्घकथा वाचताना एक समान सूत्र हाती येते आणि ते म्हणजे यातल्या कथानायकाच्या प्रत्यक्ष जीवनाशी या कथा कमी आणि त्याच्या भवतालाच्या वास्तवाशी अधिक संबंधित अशा आहेत.
-- डॉ. रवींद्र शोभणे
|
 |
|
|
कथासंग्रह