|
गाठ आहे लग्नाची / शी
Author: मंगला गोडबोले
Publisher: मेनका प्रकाशन
|
|
Price: $2.87 $2.29 20% OFF ( ~120 Pages, R70)*
Reaches you in 4 to 5 weeks. We do not carry inventory. Availability status of Marathi books is always fluid. We promptly post refund for OutOfPrint books. (More options)
|
* Price does not include shipping charge. It is calculated for the the full order.
Note: Because of lack of uptodate information, certain books could be out of print or unavailable. In such case, the cost for those books will be refunded in full to you.
Synopsis:
लग्न का? कधी? कसं? कशासाठी? कोणासाठी? कुठवर? काय किंमत मोजून? लग्नाविषयी चौफेर विचार मांडणारं विचारांना चालना देणारं तरुणतरुणींनी व त्यांच्या पालकांनी वाचलंच पाहिजे असं पुस्तक!
Review courtesy of Loksatta:
लोकसत्ता रविवार १७ ऑगस्ट २००३
कधी तुझं, कधी माझं
लग्न ही मोठी चमत्कारिक गोष्ट. करुन बघितल्याशिवाय ती लाभणार की नाही, कळत नाही. आपल्या ओळखीचं कोणीही नवरा किंवा बायको म्हणून कसं असेल, हे आधी सांगता येत नाही. आज जेव्हा स्त्री आणि पुरुष दोघांचीही कार्यक्षेत्रं, अपेक्षा, स्वप्नं-आकांक्षा बदलत-विस्तारत चालल्या आहेत, तेव्हा लग्न जमणं, न जमणं, टिकणं, न टिकणं याची कारणंही बदलत चालली आहेत. अशा अनेक कारणांचा, मनोवृत्तींचा वेध 'गाठ आहे लग्नाशी'मधून घेतला गेला आहे.
लग्नापूर्वी सार्‍या गोष्टींची पूर्वकल्पना देणं, मतं पटणं, अमेरिकन मुलाशी झटपट लग्न, लिव्हिंग-इन रिलेशन्स अशा वेगवेगळ्या पैलूंचा विचार प्रस्तुत पुस्तकात झाला आहे. लग्नाची तयारी करणं म्हणजे हॉल किंवा दागिने बुक करणं, असं मानणार्‍यांपासून अंध मुलीचं लग्न अंधाशीच व्हावं, असं मत बाळगणार्‍यांपर्यंत सर्वांनीच हे पुस्तक नजरेखालून घालायला हवं. लग्न या अत्यंत महत्त्वाच्या, कदाचित अपरिहार्य अशा, संस्थेच्या इतकया विविधांगी बाजू असू शकतात. ज्यांचं सर्वच छान असतं, त्यांनाही निवडीबाबत प्रश्न पडतात आणि घराबाहेर न पडता संसार हीच कारियर मानणारी मुलगी काकूबाई ठरते. बदलत्या व्यवस्थेमुळे आजकाल कुणाकडे चार-दोन दिवस जून राहण्याचा प्रश्न येत नाही. मग मुलगी एकदम सासरी कसं निभावू शकेल, ही एका विचारी आईची चिंता थोडीशी गमतीची वाटते, तितकीच बायका विरोधाचं शस्त्र म्हणून स्वत:चं शरीर वापरतात, ही वस्तुस्थिती गंभीर आहे. कधी मी तुझं ऐकते, कधी तू माझं ऐक ही समजुतीची भावनाच लग्नगाठीची वाचणारी निरगाठ होऊ देणार नाही.
|
 |
|
|
समाजचित्र