|
कस्तुरी गझलसंग्रह
Author: संपादित
Publisher: मुक्तरंग प्रकाशन
|
|
Price: $2.57 $2.05 20% OFF ( ~70 Pages, R75)*
Reaches you in 4 to 5 weeks. We do not carry inventory. Availability status of Marathi books is always fluid. We promptly post refund for OutOfPrint books. (More options)
|
* Price does not include shipping charge. It is calculated for the the full order.
Note: Because of lack of uptodate information, certain books could be out of print or unavailable. In such case, the cost for those books will be refunded in full to you.
Synopsis:
मंगेश पाडगावकरांसह ३० गझलकारांचा हा कस्तुरी गझलसंग्रह. या संग्रहात इलाही जमादार, प्रदीप निफाडकर, मंगेश पाडगावकर, प्रा. तुकाराम पाटील, श्रीकृष्ण राऊत, सदानंद डबीर, विमल मुदाळे, प्रा. मुकुंद राजपंखे, सदानंद डबीर, ज्योती बलिगा आदी ३० गझलकारांच्या प्रत्येकी दोन रचनांचा समावेश आहे.
============
संग्रहाची सुरुवात होते ती तमाम मराठी रसिकांना गझलेचे वेड लावणार्‍या इलाही जमादार यांच्या या रचनेने :
वादळ घोंगावत होते, पाऊस कोसळत होता
काळीज थरथरत होते, पाऊस कोसळत होता
बाहेर आत पागोळ्या, भिंतीवर जल रांगोळ्या
घर स्वत:च बरसत होते, पाऊस कोसळत होता
गावात नदी शिरलेली, शिरकाण घराचे झाले
संसार तरंगत होते, पाऊस कोसळत होता
============
यवतमाळचे प्रा. सिद्धार्थ भगत आपल्या तर मी काय करू या गझलमध्ये म्हणतात :
जळता डोंगर सार्‍या दुनियेला दिसतो
भडका होय मनाचा तर मी काय करू
नुसती वणवण केली बघ वार्‍यावरती
तुटला बंध घराचा तर मी काय करू
जाणे भागच आहे मज फासावरती
पचला घोट विषाचा तर मी काय करू
============
"प्रत्येकाची गझल लिहिण्याची, भावभावना व्यक्त करण्याची शैली वेगवेगळी असते. केवळ तांत्रिकदृष्ट्याच नव्हे, तर मांडणी आणि आशयाच्या बाबतीतही खूप विविधता असते. ही विविधता एकाच संग्रहात समाविष्ट करण्याचा विचार मनात डोकावला अन या कामाला सुरुवात झाली. राज्यभरात विविध ठिकाणी आपापल्या परीने गझल लोकप्रिय करण्यात योगदान देणार्या गझलकारांना रचना देण्याची विनंती करताच ९० जणांनी गझल पाठवल्या. त्यापैकी निवडक ३० जणांच्या रचनांचा या संग्रहात समावेश केला आहे. त्यामुळे वाचकांना एकाच वेळी या विविधांगी रचनांचे रसग्रहण करण्याची संधी मिळणार आहे. आशय आणि अभिव्यक्तीच्या अंगानेही संग्रहातील प्रत्येक गझल स्वयंपूर्ण आहे."
-- म.मो.जोशी
संपादक : म.मो.जोशी, प्रा. रामदास केदार
|
 |
|
|
शेर-शायरी