|
परिघाबाहेर
Author: लक्ष्मण गायकवाड
Publisher: सकाळ पेपर्स लिमिटेड
|
|
Price: $5.14 $4.11 20% OFF ( ~140 Pages, R150)*
Reaches you in 4 to 5 weeks. We do not carry inventory. Availability status of Marathi books is always fluid. We promptly post refund for OutOfPrint books. (More options)
|
* Price does not include shipping charge. It is calculated for the the full order.
Note: Because of lack of uptodate information, certain books could be out of print or unavailable. In such case, the cost for those books will be refunded in full to you.
Synopsis:
माणसाचा मूळ स्वभाव हा भटका आहे. मानवजातीच्या एका कालखंडात समूहवस्तीची कल्पना जन्माला आली आणि एका ठिकाणचा माणूस दुस-या समूहात सामील होऊ लागला, दुसरा समूहही या 'पक्या' माणसाला आपलासा करू लागला.अर्थात हे सहजपणे घडलं नाहीच. त्यातन झालेल्या समूहसंघर्षातून माणसाला माणसानं स्वीकारण्याची, एकमेकांच्या मदतीनं स्वत:चं जीवन सुसह्य करण्याची एक संकल्पना जन्माला आली.ती विकसित झाली; पण ही संकल्पना विकसित होताना त्यात काही उतरंडी निर्माण झाल्या. भारतापुरतं, त्यातल्यात्यात महाराष्ट्रापुरतं सांगायचं झालं तर काही समाजघटकांना समाजात सामील करून घेण्याऐवजी समाजानंच त्यांना कायम समूहाबाहेर ठेवलं, गावकुसाबाहेरच त्यांची जागा पक्की केली गेली. लक्ष्मण गायकवाड लिखित परिघाबाहेर' या पुस्तकात भटक्या, गावकुसाबाहेर जगणं जगावं लागणा-यांच्या जिवंत कहाण्या आहेत. नंदीबैलाचा खेळ करून दाखवणारा समाज, नाच-गाणी करणा-या बाया, वैदू, फारेपारधी, गोंधळी, वार, पाथरूट, कैकाडी, धनगर, उचल्या, गोंधळी अशा आपल्याच समाज घटकाचं अंतरंग एकेका कहाणीतून उलगडून दाखवलं आहे. सहसा न दिसणारं माणसांचे अस्सल जगणं या कहाण्यांमध्ये आपल्याला सापडतं, हे या पुस्तकाचे विशेष आहेच. पण त्याही पुढे जाऊन या कहाण्यांमध्ये केवळ संघर्ष नाही, निव्वळ वेदनाही नाहीत. सुख, आनंद, स्थिती-परिस्थिती बदलण्यासाठी होत असलेले प्रयत्न आणि यशाचा स्पर्श... हा सहसा अशा कहाण्यांमध्ये वाचायला न मिळणारा ऐवज या कहाण्यांतून पाझरल्यानं त्या वाचताना वाचक म्हणून आपल्या समजुतीचा परीघ रूंदावतो. हे पुस्तक आकलनाची त्रिज्या कैक पटीनं वाढवतं, परिघाबाहेरचा समाज परिघात आणण्यासाठी यापेक्षा दुसरं काय हवं?
|
 |
|
|
समाजचित्र