|
कडू आणि गोड
Author: गंगाधर गाडगीळ
Publisher: पॉपुलर प्रकाशन
|
|
Price: $7.08 $5.66 20% OFF ( ~332 Pages, R175)*
Reaches you in 4 to 5 weeks. We do not carry inventory. Availability status of Marathi books is always fluid. We promptly post refund for OutOfPrint books. (More options)
|
* Price does not include shipping charge. It is calculated for the the full order.
Note: Because of lack of uptodate information, certain books could be out of print or unavailable. In such case, the cost for those books will be refunded in full to you.
Synopsis:
महायुद्धोत्तर कालखंडातील नव्या वाङ्मयीन युगधर्माचे प्रतिनिधित्व करणारे गंगाधर गाडगीळ हे मराठीतील एक अग्रगण्य लेखक होत. कथा या साहित्यप्रकाराची संकल्पना 'नव'विणे, ती अधिक खुली करणे हे श्रेय नि:संदिग्ध्पणे त्यांचे आहे.
गाडगीळांनी आपल्या कथालेखनातून एक नवी कथादृष्टी व्यक्त केली. कथेच्या विविध घटकांच्या स्वरूपात व योजनेत त्यांनी मूलगामी परिवर्तन घडवून आणले, त्यामागचे गमक त्यांच्या कथेतील अनुभवरूपांचे, कथांचे अपारंपारिक/नवीन स्वरूप हे आहे. त्यांच्या नवकथेने मराठी साहित्यक्षेत्रात ज्या नवीन वाङ्मयीन जाणिवा रुजवल्या, त्यातून मराठी कथा अधिक मूल्ययुक्त तसेच विविध अंगांनी समृद्ध होण्याच्या शक्यता निर्माण झाल्या. त्यांच्या कथासाहित्यातून प्रकटलेल्या कलादृष्टीचा संस्कार केवळ कथाक्षेत्रापुरता मर्यादित न राहता एकूण मराठी ललित साहित्यावरही तो घडला, असे म्हणणे यथार्थ ठरेल.
गाडगीळांच्या कथेचे महत्व केवळ ऐतिहासिक स्वरूपाचे आहे, असे नाही. तिच्यातील कलाप्र्णत तसेच मौलिकता स्वतंत्रपणे लक्षणीय आहे. गाडगीळांच्या कथेचा प्रवास हा कलावंत म्हणून त्यांचा स्वत्व शोध आहे, गंभीरपणे घेतलेला एक मूल्यशोध आहे.
'मानसचित्रे'(१९४६) आणि 'कडू आणि गोड'(१९४८) या गाडगीळांच्या पहिल्या दोन संग्रहातील कथा प्रस्तुत खंडात संकलित केल्या आहेत. 'मानसचित्रे' मधील कथा हे गाडगीळांचे अगदी सुरुवातीचे लेखन असले तरी त्यातूनही कथावस्तू व लेखनतंत्र यातील अपारंपरिकता दिसून येतेच. मात्र त्या मागोमागच्या 'कडू आणि गोड'मधील कथांमधून नवकथाकार गाडगीळांना आपले स्वत्व गवसल्याच्या खुणा स्पष्ट दिसतात. 'कडू आणि गोड', 'किडलेली माणसं' आणि 'पावसाळी हवा' यांसारख्या कथांची तर त्यांच्या उत्कृष्ट कथांत गणना करता येईल.
-- सुधा जोशी
|
 |
|
|
कथासंग्रह