|
रेशीमरेघा
Author: शांता शेळके
Publisher: मेहता प्रकाशन
|
|
Price: $2.63 $2.1 20% OFF ( ~110 Pages, R70)*
Reaches you in 4 to 5 weeks. We do not carry inventory. Availability status of Marathi books is always fluid. We promptly post refund for OutOfPrint books. (More options)
|
* Price does not include shipping charge. It is calculated for the the full order.
Note: Because of lack of uptodate information, certain books could be out of print or unavailable. In such case, the cost for those books will be refunded in full to you.
Synopsis:
लावणीगीत संग्रह.
निर्मितीक्षमतेचा स्पर्श आणि कारागिरीला लाभलेली काव्यगुणांची जोड म्हणजेच या ' रेशीमरेघा'!
का धरिला परदेश?
का धरिला परदेश, सजणा,
का धरिला परदेश?
श्रवण वैरी बरसे झिरमिर
चैन पडेना जीवा क्षणभर
जाऊ कोठे? राहू कैसी, घेऊ जोगिणवेष?
सजणा, का धरिला परदेश?
रंग न उरला गाली ओठी
झरती आसू काजळकाठी
शृंगाराचा साज उतरला, मुक्त विखुरले केश
सजणा, का धरिला परदेश?
ऐए
कशि नागीण सळसळली
चाल तुरुतुरु, उडती केस भुरुभुरु
डाव्या डोळ्यावर बट ढळली
की मावळत्या उन्हात, केतकीच्या बनात
नागीण सळसळली!
इथं कुणी आसपास ना!
डोळ्यांच्या कोनांत हास ना?
तू जरा माझ्याशी बोल ना?
ओठांची मोहर खोल ना?
तू लगबग जाता मागं वळुन पाहाता
वाट पावलांत अडखळली
की मावळत्या उन्हात, केतकीच्या बनात
नागीण सळसळली!
उगाच भुवई ताणून
फुकाचा रुसवा आणून
पदर चाचपुन हातानं
ओठ जरा दाबिशी दातानं
हा राग जीवघेणा, खोटा खोटाच बहाणा
आता माझी मला खूण कळली
की मावळत्या उन्हात, केतकीच्या बनात
नागीण सळसळली!
ऐए
मनाच्या धुंदीत लहरीत
मनाच्या धुंदीत लहरीत ये ना
सखे, ग, साजणी!
जराशी सोडून जनरीत ये ना
सखे, ग, साजणी!
चांदणं रूपाचं आलंय भरा
भोळा स्वभाव तुझा लाजरा
माझ्या शिवारी ये तू जरा
चारा घालीन तुज, पाखरा
गुलाबी गालांत हासत ये ना
सखे, ग, साजणी!
जराशी लाजत मुरकत ये ना
सखे, ग, साजणी!
आता कुठवर धीर मी धरू!
काळिज करतंय बघ हुरहुरू
सजणे, नको, ग, मागं फिरू
माझ्या सुरात सुर ये भरू
माझे डोळे शिणले, ग, तुझी वाट पाहुनी
बसंती वार्यात, तोर्यात ये ना
सखे, ग, साजणी!
सुखाची उधळीत बरसात ये ना
सखे, ग, साजणी!
|
 |
|
|
गीत