|
फुलले ऋतु
Author: निर्मला मोने
Publisher: प्रतीक ऑफसेट प्रिंटर्स
|
|
Price: $4.11 $3.28 20% OFF ( ~130 Pages, R120)*
Reaches you in 4 to 5 weeks. We do not carry inventory. Availability status of Marathi books is always fluid. We promptly post refund for OutOfPrint books. (More options)
|
* Price does not include shipping charge. It is calculated for the the full order.
Note: Because of lack of uptodate information, certain books could be out of print or unavailable. In such case, the cost for those books will be refunded in full to you.
Synopsis:
ई-सकाळ रविवार ५ फेब्रुवारी २००६
झाडे पानात येतात, तेव्हा...
( मुक्ता मुळे-नलावडे)
वृक्ष जीवनात ऋतुचक्राप्रमाणे घडणार्‍या बदलांचे बारकाईने निरीक्षण करून निर्मला मोने यांनी 'फुलले ऋतू' हे पुस्तक लिहिले आहे. पुस्तकाच्या मुखपृष्ठावरून आणि शीर्षकावरून आतील मजकुराची कल्पना येत असली, तरी यातील प्रत्येक लेख वाचण्याची उत्कंठा वाढवत जाते. पूर्वी जंगली समजल्या जाणार्‍या पण आज उदयान, हॉटेल, गृहसंकुल, कार्यालय यांच्या प्रवेशद्वारची शोभा वाढविणारी झाडे म्हणून ज्यांचा उपयोग होत आहे, अशा शाल्मली, बहावा, गुलमोहर, नीलमोहर आदींची माहिती या पुस्तकातून लालित्यपूर्ण शैलीत मांडली आहे. याशिवाय मधुमालती, मोगरा, जाई-जुई, रातराणी, शेवंती, बकुळ, केतकी केवडा इत्यादी सुगंधी लतावेलींचेही तंतोतंत वर्णन या पुस्तकात वाचायला मिळते. या सर्व वनस्पती, लतावेलींमधील नैसगिक बदल, या वनस्पतींचे, लतावेलींचे विविध जमातीच्या संस्कृतीत असणारे महत्त्व, राज्यपरत्वे बदलणारे महत्त्व हे स्पष्ट करणारे समर्पक संदर्भ लेखिकेने वेळोवेळी दिले आहेत. प्रत्येक वनस्पतींच्या औषधी गुणांची माहितीही ओघाने आली आहेच, शिवाय प्रत्येक वनस्पतीची पारंपरिक उपयुक्तताही तर्कशुद्ध रितीने मांडली आहे. आवश्यक भावविश्व निर्माण करण्याची क्षमता या पुस्तकात आहे. कल्पनाशक्ती आणि साधी, सोपी लेखनशैली यांच्या साह्याने वाचकाच्या डोळ्यासमोर त्या वृक्षाची किंवा लतावेलींची ऋतुचक्राप्रमाणे पालटणारी रूपं जशीच्या तशी उभी करण्याचा उत्तम प्रयत्न लेखिकेने केला आहे. वनस्पतींची, लतावेलींची शास्त्रीय नावं, त्यांचं नैसर्गिक-सांस्कृतिक स्थान, पारंपरिक उपयुक्तता आणि औषधी व पर्यावरणीय महत्त्व जाणून घेण्याच्या दृष्टीने हे पुस्तक उपयुक्त आहे.
|
 |
|
|
निसर्ग