|
डोहकाळिमा
Author: जी. ए. कुलकर्णी
Publisher: पॉप्युलर प्रकाशन
|
|
Price: $12.18 $9.74 20% OFF ( ~299 Pages, R400)*
Reaches you in 4 to 5 weeks. We do not carry inventory. Availability status of Marathi books is always fluid. We promptly post refund for OutOfPrint books. (More options)
|
* Price does not include shipping charge. It is calculated for the the full order.
Note: Because of lack of uptodate information, certain books could be out of print or unavailable. In such case, the cost for those books will be refunded in full to you.
Synopsis:
जी. ए. कुलकर्णी यांच्या निवडक कथा
संपादक: म. द. हातकणंगलेकर
"जी. एं.नी काय केले आणि काय दिले? प्रथम म्हणजे त्यांनी साहित्याशी असणार्‍या अविभाज्य निष्ठेचा आदर्श स्वत:साठी आणि वाचकांसाठी घालून दिला. ज्या काळात वाङ्मयीन अभिरुची गढूळ आणि सवंग होत चालली होती त्या काळात या आदर्शाने आश्चर्ययुक्त भीती निर्माण केली. ज्यांना ती पेलवली नाही त्यांनी तिच्याकडे सवंग तुच्छतेने अगर छटेल उपहासाने पाहिले. अन्य रंजक माध्यमांपेक्षा वाङ्मय ही वेगळी गोष्ट आहे, ती एक प्रकारची ज्ञानधारणा आहे. काही प्रतिभावान प्राण्यांच्या बाबतीत तोच अलौकिक आनंदाचा व मोक्षाचा मार्ग आहे असा त्यांचा अनुभव होता. काही वाचकांपर्यंत तो त्यांनी आपल्या कथासाहित्यातून पोहचविला.
जी. एं.नी कथेचा एक समावेशक आणि मूलगामी बंध निर्माण करण्याचा प्रयत्न केला. लोककथा, बोधकथा, दृष्टांतकथा, रूपककथा, संसारकथा, मनोविश्लेषण करणारी नवकथा हे सर्व आकार आत्मसात करून आपले समृद्ध रूप सिद्ध करणारी मराठी कथा त्यांनी निर्माण केली. नवकथा त्यांनी पुढे नेली का? असा प्रश्न कधीकधी विचारला जातो. या तर्‍हेचा घाटसापेक्ष आणि काळसापेक्ष विचार अप्रस्तुत ठरावा अशी संपन्न सार्थकता कथारुपाला देण्याचा जी. एं.चा प्रयत्न होता. कथारुपाचे त्यांचे चिंतन वेगळ्या पातळीवर चालले होते. कथेचा आकार म्हणजे कथेच्या आशयगर्भाचे यथार्थ आकलन आणि आविश्कार अशी त्यांची धारणा होती. त्यांच्या दृष्टीने आकार हे केवळ cआङ्मयीन मूल्य नव्हते; तर ते एक अध्यात्मिक मूल्य म्हणून त्यांना ते जाणवत असावे. जी. एं.ची कथासाधना ही जीवनार्थाची साधना होती."
|
 |
|
|
कथासंग्रह