|
रत्नजडित ज्ञानेश्वरी
Author: प्र. न. जोशी
Publisher: स्नेहवर्धन प्रकाशन
|
|
Price: $2.63 $2.1 20% OFF ( ~110 Pages, R70)*
Reaches you in 4 to 5 weeks. We do not carry inventory. Availability status of Marathi books is always fluid. We promptly post refund for OutOfPrint books. (More options)
|
* Price does not include shipping charge. It is calculated for the the full order.
Note: Because of lack of uptodate information, certain books could be out of print or unavailable. In such case, the cost for those books will be refunded in full to you.
Synopsis:
ई-सकाळ रविवार १५ जानेवारी २००६
'ज्ञानेश्वरी'तील सौंदर्याची सहज उकल
(श्याम शं. भालेराव)
संत साहित्याचे अभ्यासक (कै.) डॉ. प्र. ना. जोशी यांच्या 'ज्ञानेश्वरी'विषयक विविध लेखांचे संकलन 'रत्नजडीत ज्ञानेश्वरी' पुस्तकात आहे. 'ज्ञानेश्वरी' मूळचीच सतेज, नित्यनूतन आहे. ती स्वयंप्रकाशी असल्याने तिला वरवरचे दागिने शोभा देणार नाहीत. हे अलंकारच मनातून लज्जित होतील, एवढी 'ज्ञानेश्वरी' स्वत:च 'लावण्यमयी' असल्याचे लेखकाने म्हटले आहे. या म्हणण्याच्या पुष्टयर्थ लेखकाने 'ज्ञानेश्वरी'तील 'एएश्वर्यभोग', 'भक्तिमार्ग' आदी विविधांगांचे दर्शन घडविले आहे. यामुळे ही 'रत्नजडीत ज्ञानेश्वरी' रसमय, रमणीय व समजण्यास सुलभ झाली आहे.
'ज्ञानेश्वरी'तील 'प्राणीसृष्टी' लेखात बुद्धिमान माणसास अधिक शहाणे करण्यासाठी ज्ञानेश्वरांनी पशुपक्षी व कीटकांचे दृष्टांत दिले आहेत. चवठयावर पडलेले अन्न उघडे, की झाकले, हे न पाहता कुत्रे ते खात असते. अज्ञानी मनुष्यही असेच वाटेल ते खातो, हे तेराव्या अध्यायात सांगितेल आहे. वेगवेगळे पशु-पक्षी, कीटकांचे समर्पक दृष्टांत देऊन ज्ञानेश्वरांनी जीवनातील वास्तव स्पष्ट केले आहे.
'ज्ञानेश्वरी'तील 'पुष्पवाटिके'मध्ये जशी वृक्ष, वेलींची गर्दी आहे, तशीच नाना तर्‍हेच्या फुलांच्या ताटव्यांचीही आहे.
ज्ञानेश्वरांच्या उद्यानात गोड उसाचा मळाही डौलाने डोलताना दिसतो. ऊस पाळणार्‍यास गोड, गाळणारास कडू असत नाही, असे ज्ञानेश्वर सहज सांगून जातात. ज्ञानेश्वरांना 'अलौकिका'चे किती आकर्षण होते, हे त्यांच्या 'अलौकिक सृष्टी'त सांगितले आहे. 'संसारदर्शन'मध्ये पत्नी, मुलाबाळांचा तिटकारा करा,' असे ज्ञानेश्वर सांगत नाहीत. उलट माता-पिता, पत्नी, पतिव्रता, अपत्य, देवधर्म आदींचे सोज्वळ, कर्मकांडरहीत असे मनोज्ञ दर्शन कधी तत्त्वरूप तर अनेकदा दृष्टांताच्या साह्याने घडविले आहे. एकूणच या पुस्तकात 'ज्ञानेश्वरी'तील 'भक्तिमार्ग', 'पुष्पवाटिका', 'श्रीकृष्ण चरित्र' आदी विविधांगांचे सोप्या भाषेत, जीवन व्यवहारातील प्रचलित दाखले देत स्पष्टीकरण करण्यात आले आहे. यामुळे सर्वसामान्यांना 'ज्ञानेश्वरी' समजेलच, शिवाय 'ज्ञानेश्वरी'च्या अभ्यासकांनाही 'रत्नजडित', 'लावण्यमयी' अशी ही 'ज्ञानेश्वरी' अभ्यासाच्या दृष्टीने उपयुक्त ठरणार आहे.
|
|
|
|
धार्मिक