|
अस्ताई
Author: केशवराव भोळे
Publisher: मौज प्रकाशन
|
|
Price: $4.79 $3.83 20% OFF ( ~120 Pages, R140)*
Reaches you in 4 to 5 weeks. We do not carry inventory. Availability status of Marathi books is always fluid. We promptly post refund for OutOfPrint books. (More options)
|
* Price does not include shipping charge. It is calculated for the the full order.
Note: Because of lack of uptodate information, certain books could be out of print or unavailable. In such case, the cost for those books will be refunded in full to you.
Synopsis:
केशवराव भोळे यांच्या संगीतविषयक लेखांचा हा तिसरा संग्रह. गेलीं तीसपस्तीस वर्षें सातत्याने संगीताविषयी मराठींत लिहिणार्‍या विरळा लेखकांपैकी ते एक आहेत. लहानपणीं वैदर्भीय रसिकतेच्या वातावरणात त्यांच्यावर झालेले कलासौंदर्याचे संस्कार इतके खोल होते की, तरूणपणीं डॉक्टरीचा अभ्यास सोडून त्या काळीं मुंबईत गायलेल्या दिग्गजांना ऐकत रात्री रंगवण्यांत त्यांनी धन्यता मानली. त्यांनी गुरु केला नाही, किंवा गवयाचा पेशा पत्करला नाही. पण बहुधा त्याचमुळे त्यांच्या संगीतविषयक भूमिका विशुद्ध कलावाद्याची राहिली. एखाद्या गवयाच्या किंवा घराण्याच्या अभिमानाची बाधा त्यांच्या रसिकतेला झाली नाही. गुरुपरंपरा पुढे चालवली नाही, म्हणून मास्तर कृष्णरावांना ठपका देणारे केशवराव मास्तरांनी कसून रंगवलेल्या एखाद्या मैफिलीची आवर्जून मुक्तकंठाने तारीफ करतात, किंवा गंधर्वाच्या गलत नाट्यमूल्यांच्या समाचार घेणारे केशवराव गंधर्वाच्या ऐन उमेदींतल्या गाण्याचें (प्रात्यक्षिकासह) वर्णन करतांना डोळे टिपतात यांत विसंगति नसून त्यामागे व्यक्तिनिरपेक्ष कलामूल्यांच्या उपासकाची सुसंगत भूमिका आहे. संस्कारक्षम वयांत जिवाचे कान करून ऐकलेलें श्रेष्ठ संगीत केशवरावांच्या संगीतदिग्दर्शनांत अत्यंत सघन, समर्पक, कलात्मक स्वरुपांत उमललें. तुकाराम-कूंकू सारख्या चित्रपटांना किंवा आंधळ्याची शाळासारख्या नाटकाला त्यांनी दिलेल्या संगीताने त्या त्या क्षेत्रांत नव्या परंपरा निर्माण केल्या. त्याचबरोबर संगीतसमीक्षेचे उत्तम नमुनेहि त्यांनी मराठी वाङअमयांत दाखल केले. साहित्याचा त्यांचा व्यासंग त्यांचा संगीतदिग्दर्शनाच्या अंगी लागला, तसाच संगीताच्या निर्मितीच्या प्रत्यक्ष अनुभवाने त्यांच्या समीक्षेला विरळा असें प्रत्ययकारित्व आलें. अस्ताईमध्ये विषयांची आणि पातळ्यांची वेधक विविधता आहे, त्याचबरोबर प्रत्येक लेखामध्ये कलेविषयीची एकच कणखर मूल्यदृष्टी उमटलेली आहे. सच्च्या सुरापुढे मस्तक नमवण्यांत सार्थक मानणारा अभिजात आस्वादक आणि बेलय व बेसूर यांनी अस्वस्थ होणारा चोखंदळ परखड विवेचक यांचा दुर्मिळ संगम रसिकांना अस्ताईमध्ये आढळेल.
|
 |
|
|
आठवणी