|
अथातो कामजिज्ञासा
Author: राजन भोसले
Publisher: मनोविकास प्रकाशन
|
|
Price: $6.47 $5.17 20% OFF ( ~270 Pages, R180)*
Reaches you in 4 to 5 weeks. We do not carry inventory. Availability status of Marathi books is always fluid. We promptly post refund for OutOfPrint books. (More options)
|
* Price does not include shipping charge. It is calculated for the the full order.
Note: Because of lack of uptodate information, certain books could be out of print or unavailable. In such case, the cost for those books will be refunded in full to you.
Review courtesy of Loksatta:
लोकसत्ता रविवार, १८ एप्रिल २००४
कामविचार
प्रेम आणि प्रणय तथा शृंगार या एकाच नाण्याच्या दोन बाजू आहेत, हे पूर्वापार सांगून ठेवले असूनही आजच्या घाईगर्दीच्या जीवनचक्रात प्रणयही तितकाच गडबडीत एक व्यवहार म्हणून उरकला जातो. वर्षानुवर्षे वैवाहिक जीवन व्यतीत करणार्‍या जोडप्यांमध्येही शारीरिक संबंधांची मानिसक बाजू प्रेमालापाने कवचितच फुलते. अनेक समज, गैरसमज यांचा मोठा पगडा या उभयतांमध्ये एक भिंत बनून उभा असतो. ही अदृश्य भिंत पार करण्यासाठी, परस्परांमध्ये सुसंवाद घडविण्यासाठी लैंगिक समुपदेशकाची फार मोठी मदत होते. वैवाहिक सहजीवनच नव्हे तर किशोरवयातच योग्य मार्गदर्शनाअभावी जमा होणारे अपसमजांचे धुके वेळीच दूर करण्यासाठीही तज्ज्ञ समुपदेशक मोलाची भूमिका पार पाडतात. डॉ. राजन ब. भोसले हे या क्षेत्रातले एक अग्रगण्य समुपदेशक. भारतातले पहिले अद्ययावत विवाहपूर्व मार्गदर्शन व तपासणी केंद्र स्थापन करणार्‍या डॉ. भोसलेंच्या 'हार्ट टू हार्ट कैन्सिलिंग सेंटर'चा उपयोग अनेक जोडप्यांना आपले सहजीवन समृद्ध करण्यासाठी झाला आहे. 'समग्र कामजीवन' नंतरचे त्यांचे हे दुसरे पुस्तक. कामजीवनाशी निगडित अनेक शंकांचे साध्या- सोप्या भाषेत निरसन, पाल्याच्या वर्तनाचे मानसिक विश्लेषण हे या पुस्तकाचे वैशिष्ट्य ठरते. निरनिराळ्या १२५ समस्या व शंकांची उत्तरे वाचकांना डॉ. भोसले आपल्या सहज शैलीने 'समजावून' देतात. कामजिज्ञासा पूर्ण करता- करता डॉ. भोसले अनेक वेळा पालकांना, जोडप्यांना ज्या कानपिचकया देतात, त्या उदबोधक आहेत. कामविज्ञानातील विकार, विकृती यांची चर्चा करतानाच त्यांनी कायदेशीर शिक्षांचीही माहिती येथे दिली आहे. विवाहपूर्व ते वैवाहिक कामजीवनात सामोर्‍या येणार्‍या खाचखळग्यांवरील प्रवासासाठी एक उत्तम पथदर्शक असे हे पुस्तक आहे.
विशेष म्हणजे, एक विकृती म्हणून आधुनिक काळात सामोरे येणारे समलिंगी संबंध, वासनासक्ती, एडस, नपुंसकत्व, अनासक्ती, अत्याचार याविषयीच्या प्रश्नांना उत्तरे देतानाच, संततीनियमन, गर्भजलपरीक्षा, वायग्रा, टेस्ट ट्यूब बेबी या व अशा अनेक विषयांची माहिती देत डॉ. भोसले पुढे सरकत जतात. यामुळे हे पुस्तक कामजिज्ञासा पूर्ण करु पाहणार्‍यांसाठी एक अवश्य असे 'गाईड' झाले आहे.
शैलेंद्र शिर्के
|
 |
|
|
शैक्षणिक