|
रत्नाक्षरं - रत्नाकर मतकरी : व्यक्ती आणि साहित्य
Author: रत्नाकर मतकरी
Publisher: नवचैतन्य प्रकाशन
|
|
Price: $14.47 $11.57 20% OFF ( ~452 Pages, R475)*
Reaches you in 4 to 5 weeks. We do not carry inventory. Availability status of Marathi books is always fluid. We promptly post refund for OutOfPrint books. (More options)
|
* Price does not include shipping charge. It is calculated for the the full order.
Note: Because of lack of uptodate information, certain books could be out of print or unavailable. In such case, the cost for those books will be refunded in full to you.
Synopsis:
रत्नाक्षरांच्या खाणीत
सोळा वर्षांचा एक मुलगा 'वेडी माणसं' ही आपली पहिली एकांकिका लिहितो आणि ती जशीच्या तशी मुंबई आकाशवाणीवर सादर होते. गाजते. ते साल असतं १९५५ आणि त्या युवा लेखकाचं नाव असतं रत्नाकर मतकरी. तिथपासून हा लेखक अविरतपणे वसा घेतल्यासारखा लिहीत आहे. प्रौढांसाठी आणि मुलांसाठी नाटकं, एकांकिका, कथा, कादंबरी, ललित, वैचारिक आणि आस्वादात्मक लेख असं तर्‍हेतर्‍हेचं वाङ्मय त्यांनी या अर्धशतकात सातत्याने लिहिलं आणि कधीही आपल्या लेखनाचा दर्जा घसरु दिला नाही. एवढंच नाही, तर नेहमीच वैशिष्ट्यपूर्ण रचना केली. व्यावसायिक आणि प्रायोगिक नाटकांत त्यांनी सतत नवनवीन प्रयोग केले. महाराष्ट्रात बालरंगभूमीची मुहूर्तमेढ रोवून, सुमारे तीस वर्षं पदरमोड करुन बालनाट्यांची निर्मिती केली. गूढकथा हा कथाप्रकार मराठी साहित्याला दिला आणि प्रसंगी उपेक्षा सहन करुन तो वाढवला. लेखनाबरोबरच रत्नाकर मतकरी यांनी दिग्दर्शक, अभिनेता आणि निर्माता म्हणून मराठी रंगभूमीला दिलेल्या योगदानासाठी त्यांचा वरचेवर गौरव झालेला आहे. गतवर्षी त्यांना संगीत नाटक अकादमीचा सन्माननीय पुरस्कार राष्ट्रपतींच्या हस्ते देण्यात आला. चित्रकला आणि सामाजिक बांधिलकी ही मतकरींच्या व्यक्तिमत्त्वाची इतर दोन महत्त्वाची अंगं आहेत ज्यासाठी त्यांच्या विचारांचं जनतेला आकर्षण वाटत आलेलं आहे.
अशा या बहुढंगी व्यक्तिमत्त्वाच्या अर्धशतकीय, वैयक्तिक आणि साहित्यिक कतरृत्वाचं दर्शन घडवण्यासाठी नवचैतन्य प्रकाशनाने (बोरिवली) त्यांच्याविषयी आणि त्यांच्या साहित्याविषयी 'रत्नाक्षरं, रत्नाकर मतकरी : व्यक्ती आणि साहित्य' हा सुमारे ४५० पानांचा सचित्र व सछायाचित्र ग्रंथ प्रसिद्ध केला आहे.
'रत्नाक्षरं' या ग्रंथाचं विभाजन चार विभागांत करण्यात आलं आहे. पहिल्या विभागात एक अस्वस्थ कलावंत, एक माणूस कलावंत, मतकरी : लेखन प्रपंच या मुलाखतींचा समावेश करण्यात आला आहे. दुसर्‍या विभागात मतकरींच्या कथा, एकांकिका, नाटकं, कादंबर्‍या, लेख, कविता, प्रस्तावना, पत्रं, अर्पणपत्रिका या साहित्य प्रकारांचा समावेश करण्यात आला आहे. तिसर्‍या विभागात मान्यवर मंडळींना मतकरी कसे वाटतात यावरील लेखनप्रपंचाचा समावेश करण्यात आला आहे. या पुस्तकाचं निमित्त साधून मतकरींच्या संपूर्ण साहित्याच्या (संग्रहित आणि असंग्रहित) आणि नाट्यप्रयोगांच्या तपशिलाची दीर्घ सूचीही दिलेली आहे. या सूचीचा समावेश रत्नाक्षरंच्या चौथ्या विभागात करण्यात आला आहे. मतकरी स्वत: एक उत्तम चित्रकार होते याचा दाखला अगदी सुरुवातीपासून पाहायला मिळतो. मतकरींच्या रेखाचित्रांची, त्यांच्या नाट्यप्रयोगांमधल्या काही क्षणांची आणि प्रत्यक्षातल्या त्यांच्या काही मूडस्ची झलकही या पुस्तकात बघायला मिळते. मराठी साहित्य आणि रंगभूमी यांच्या अभ्यासकाला, रसिकाला आणि विचारवंतालाही कायम संग्रही ठेवावी वाटतील अशी 'रत्नाक्षरं' या पुस्तकाची रचना करण्यात आली आहे.
LokprabhA Review
Loksatta Review
|
 |
|
|
संदर्भग्रंथ