|
गाणारे झाड
Author: लीला दीक्षित
Publisher: देशमुख आणि कंपनी प्रकाशन
|
|
Price: $1.67 $1.33 20% OFF ( ~70 Pages, R50)*
Reaches you in 4 to 5 weeks. We do not carry inventory. Availability status of Marathi books is always fluid. We promptly post refund for OutOfPrint books. (More options)
|
* Price does not include shipping charge. It is calculated for the the full order.
Note: Because of lack of uptodate information, certain books could be out of print or unavailable. In such case, the cost for those books will be refunded in full to you.
Synopsis:
ई-सकाळ रविवार ८ जानेवारी २००६
मुलांसाठी रोचक, बोधक कविता
(प्रतिनिधी)
गेल्या दोन दशकांत बालकवितेचे चित्र बदलते आहे. मुलांची जिज्ञासा आणि कुतूहल यांची कल्पनाही आपण करू शकत नाही. या बालविश्वातील अनेक कुतूहलाचे विषय लीला दीक्षित यांनी कल्पनावैचित्र्याने 'गाणारे झाड' या बालगीत संग्रहातील बालगीतांत रंगवले आहेत. बालमनाचे सूक्ष्म निरीक्षण करून त्यांचे भाव कवितेत प्रतीत करणे अवघड असते, पण ती किमया लीला दीक्षित यांनी साधली आहे. बालविश्वातील अनेक कुतूहलाचे विषय त्यांच्या कवितांचे विषय झाले आहेत.
'गाणारे झाड'मध्ये बत्तीस विविध विषयांवरची बालगीते आहेत.
आभाळाशी गाणे गात डोलतो माड
तशी आमची आजी गाणारे झाड
अशी सुंदर अभिनव उपमा आजीला कोणी दिली असेल का? डाळिंबाच्या फुलाला कमंडलूची दिलेली उपमा अभिनव आहे. दिवे या कवितेत सूर्याला 'न विझणारा लामणदिवा' ही दिलेली उपमाही अशीच अनुपमेय आहे.
मुलांचे कुतूहल शमविणार्‍या कवितांत अळीचे फुलपाखरू कसे होते, ते अगदी सहज सोपेपणाने सांगितले आहे. ''कली या कवितेतही कळीचं फूल कसं होतं हा जीवनप्रवास सांगताना कल्पना सौंदर्याने ते मुलांवर प्रतिबिंबित केले आहे. 'पावसाचे दूत आणि देवाची नवलाई' या कवितांतील तरल कल्पना मुलांच्या भावविश्वाला जवळच्या आहेत. पत्राचा प्रवास 'घंटा' या थोडया वेगळ्या कविता. 'घंटा' या कवितेला वेगळीच डूब दिली आहे. सहजता, प्रास्ताविकता, शब्दसौंदर्याने नटलेली ही बालगीते मुलांना नक्कीच रुचतील. बालांचे भावविश्व उलगडत अगदी सहजतेने लीलाताईंनी मुलांना बौद्धिक खाद्य दिले आहे.
|
|
|
|
बालवाङ्मय