|
मास्टर विनायक
Author: शशिकांत श्रीखंडे
Publisher: मधुश्री प्रकाशन
|
|
Price: $4.45 $3.56 20% OFF ( ~155 Pages, R130) Was recently Out of Print.*
Was recently Out of Print. We do not carry inventory. Availability status of Marathi books is always fluid. We promptly post refund for OutOfPrint books.
|
* Price does not include shipping charge. It is calculated for the the full order.
Note: Because of lack of uptodate information, certain books could be out of print or unavailable. In such case, the cost for those books will be refunded in full to you.
Synopsis:
ई-सकाळ रविवार १९ मार्च २००६
मराठी सामाजिक बोलपटांचे आद्य प्रवर्तक मास्टर विनायक
मराठी बोलपटांना सामर्थ्य देणारे मास्टर विनायक
(नीला शर्मा)
मास्टर विनायक मराठी बोलपटांना नवं सामर्थ्य मिळवून दिलं. 'मराठी सामाजिक बोलपटांचे आद्य प्रवर्तक' असं त्यांना गौरवानं म्हटलं जातं. शशिकांत श्रीखंडे यांनी मोठया मेहनतीनं मास्टर विनायकांच्या सामाजिक योगदानाचा माहितीपट उलगडणारं 'मास्टर विनायक' हे पुस्तक लिहिलं आहे. यापूर्वी त्यांनी बाबूराव पेंटर, बाबूराव पेंढारकर, आचार्य अत्रे, भालजी पेंढारकर, व्ही. शांताराम, राजा परांजपे यांच्या कतरृत्वाचा आलेख मांडणारं 'गाथा ही सिनेदिग्गजांची' हे पुस्तक लिहिलेलं आहे. त्यात त्यांनी संबंधित व्यक्तींच्या कार्याचा आलेख सादर केलेला आहे.
मा. विनायकांबाबत स्वतंत्र पुस्तकाच्या माध्यमातून त्यांनी केलेल्या स्तुत्य प्रयत्नांतून केवळ मा. विनायकांच्या बोलपटांचं महत्त्व सांगितलं आहे, असं नाही. या पुस्तकाच्या निमित्तानं एकूणच मराठी बोलपट १९३२ अगोदर ज्या अवस्थेत होते, त्याबाबतही अंदाज करता येतो. केवळ धार्मिक कथा, करमणूक, साहस वगैरे कल्पनारम्य विश्वातून मराठी बोलपटांना अर्थपूर्ण करण्याचं मोठंच कार्य मा. विनायकांनी केलं. फक्त अभिनयासाठीच त्यांनी परिश्रम घेतले नाहीत, तर दिग्दर्शन व निर्मितीचंही महत्त्वाचं योगदान केलेलं आहे.
या कार्यासाठी त्यांनी केलेली वाटचाल सदर पुस्तकातून अतिशय हार्दिकतेनं उलगडण्यात आलेली आहे. मा. विनायकांची स्वत:ची जाण विकसित होण्यामागं ज्या घटना त्यांच्या वैयक्तिक जीवनात घडल्या, त्याबाबतही रसपूर्ण विवेचन यात केलेलं आहे.
हिंदी चित्रपटसृष्टीत आपल्या फटाकडेपणासाठी गेल्या काही वर्षांमध्ये प्रसद्धी पावलेल्या शिल्पा व नम्रता शिरोडकरांची आजी मीनाक्षी (रतन) शिरोडकर या मा. विनायकांबरोबर 'ब्रह्मचारी' या बोलपटात नायिकेच्या भूमिकेत होत्या. त्या काळी इंग्रजी चित्रपट सोडला, तर मराठी चित्रपटात पोहण्याचे दृश्य नसायचं. तसं दृश्य व तेही पोहण्याच्या पोशाखामध्ये चित्रित होण्याचा मराठी चित्रपटसृष्टीतला तो एएतिहासिक प्रसंग. त्यासाठी मीनाक्षीबाईंना कसं तयार केलं, वगैरे रंजक इतिहास या पुस्तकातून समजतो. चित्रपट कलावंत उत्तम शिक्षक, साहित्यिक मर्मज्ञ, रसिक, गुणग्राहक व अभ्यासू असेल तर त्याच्या हातून कशा सरस व संस्मरणीय कलाकृती घडतात, हे मा. विनायकांच्या निमित्तानं वाचकांच्या लक्षात आणून देण्याचं काम या पुस्तकानं केलं आहे.
Loksatta Review
|
 |
|
|
व्यक्तिपरिचय