|
खुणेची जागा
Author: मंगला गोडबोले
Publisher: उत्कर्ष प्रकाशन
|
|
Price: $6.85 $5.48 20% OFF ( ~200 Pages, R200)*
Reaches you in 4 to 5 weeks. We do not carry inventory. Availability status of Marathi books is always fluid. We promptly post refund for OutOfPrint books. (More options)
|
* Price does not include shipping charge. It is calculated for the the full order.
Note: Because of lack of uptodate information, certain books could be out of print or unavailable. In such case, the cost for those books will be refunded in full to you.
Synopsis:
लोकसत्ता रविवार ३० जुलै २०००
भावभावनांचे कंगोरे टिपणार्‍या कथा
"खुणेची जागा" हा मंगला गोडबोले यांचा कथासंग्रह. या कथासंग्रहात १५ कथा असून त्या याआधी विविध दिवाळी अंकांमधून पूर्वप्रसिद्ध झालेल्या आहेत. "खुणेची जागा" ही या संग्रहातील पहिलीच कथा. बर्‍याच दिवसांनी माहेरी आलेली कविता माहेरच्या विविध खुणांच्या जागा शोधण्याच्या प्रयत्नात असलेली. पण इतक्या वर्षांच्या कालखंडात माहेर, माहेरची माणसे यात खूप बदल झालेला तिला आढळतो. जुन्या आठवणी, जुनी माणसे यांना उजाळा देण्याचा प्रयत्न करणार्‍या कवितेस निराश व्हावे लागते. अशा वातावरणात माहेरी राहत असलेल्या कवितेला रुरकेलाहून वडिलांचा फोन येतो. गप्पा होतात आणि वडिलांच्या खळखळून हसण्यात कवितेला आपली एक खुणेची जागा सापडते. "दंश" या कथेत एक शिक्षित स्त्री आणि एक अशिक्षित स्त्री यांच्या विचार करण्याच्या पद्धतीचे चित्रण आहे. नाना शंकाकुशंका मनामध्ये निर्माण झाल्याने शिक्षित असलेल्या जयूच्या मनात उठलेले काहूर आणि देवर्षीवर विश्वास ठेवून निश्चिंत राहिलेली सावित्री या कथेत आढळतात. "सुटका" या कथेत सतत नवर्‍याच्या सेवेत राहणारी कुसुम आत्या आढळते. नवर्‍याची सेवा करूनही त्याची बोलणी खाण्याचेच नशिबी आलेल्या कुसुम आत्याचा नवरा आजारपणात जातो. इतकी वर्षे प्रचंड कोंडमारा सहन करणारी कुसुम आत्या वेडी होऊन या सर्वांपासून आपली कशी "सुटका" करून घेते, ते या कथेत वाचण्यास मिळते. "जोगवा" या कथेत दोन भिन्न प्रवृत्तीच्या स्त्रिया दिसतात. स्वत:चे दु:ख इतरांपुढे न सांगता ते सहन करून हसतमुखपणे परिस्थितीला सामोरे जाणारी नीरजा अथवा अमिता या कथेत आढळते. पुस्तकातील अन्य कथाही अशाच सुरस, अंतर्मुख करणार्‍या आहेत.
|
|
|
|
विनोदी