|
सफर ऐतिहासिक पुण्याची
Author: संभाजी भोसले
Publisher: स्नेहल प्रकाशन
|
|
Price: $7.61 $6.08 20% OFF ( ~225 Pages, R250)*
Reaches you in 4 to 5 weeks. We do not carry inventory. Availability status of Marathi books is always fluid. We promptly post refund for OutOfPrint books. (More options)
|
* Price does not include shipping charge. It is calculated for the the full order.
Note: Because of lack of uptodate information, certain books could be out of print or unavailable. In such case, the cost for those books will be refunded in full to you.
Synopsis:
पुण्याच्या धगधगत्या इतिहासाच्या, संस्कृतीच्या शेकडो खुणा पुण्यातल्या अनेक वास्तूंनी सांभाळल्या आहेत. त्या वास्तूंचं यथावत दर्शन या पुस्तकातून घडतं.
Review courtesy of eSakal:
ऐतिहासिक पुण्याची माहितीपूर्ण सफर
-- डॉ. सदाशिव शिवदे
महाभारतात महर्षी व्यासांनी इतिहासाची सुंदर व्याख्या केली आहे. मूळ संस्कृत श्लोकाचा आशय असा : "इतिहास ही राष्ट्राची ज्योत आहे. या ज्योतीनं अज्ञानरूपी अंधकाराचा नाश होतो आणि आपल्या नगरीचं आणि पूर्वजांचं व राजांचं यथावत दर्शन घडतं.'
गेली दोन शतकं पुणे शहराला "विद्यानगरी' म्हणून, ज्ञानाचं जगद्विख्यात केंद्र म्हणून प्रसिद्धी लाभली आहे. त्यापलीकडं पुणं हे शिवछत्रपतींच्या हिंदवी स्वराज्यस्थापनेच्या प्रारंभीच्या उद्योगाचं केंद्र आणि पुढे शाहूछत्रपतींच्या प्रशासनाचं मुख्य ठिकाण म्हणून प्रसिद्ध झालं. या ठिकाणाहून दक्षिणेच्या शौर्याची दौलत उत्तरसीमेला भिडली आणि दिल्लीला धडक मारून गेली. पुण्याच्या या धगधगत्या इतिहासाच्या, संस्कृतीच्या शेकडो खुणा पुण्यातल्या अनेक वास्तूंनी सांभाळल्या आहेत. त्या वास्तूंचं यथावत दर्शन संभाजी भोसले यांच्या "सफर ऐतिहासिक पुण्याची' या पुस्तकातून घडतं.
शनिवारवाड्याच्या बांधकामाचा इतिहास, त्यातल्या वास्तूंचं वर्णन, तिथं झालेली स्थित्यंतरं, घटना इत्यादींचा इतिहास, पर्वतीवरची मराठा शैलीतली मंदिरं, रमणा यांची वर्णनं व हकीकत; तसेच खडकीचं इंग्रज-मराठा युद्ध दुसरा बाजीराव दुर्बिणीतून कसा पाहत असे, याचं वर्णन भोसले यांनी केलं आहे. मोगल स्थापत्यशैलीशी साम्य दाखवणारं ओंकारेश्वर मंदिर, अपूर्ण राहिलेली पाताळेश्वर शिवलेणी, तर मराठा स्थापत्यशैलीतला विश्रामबागवाडा, बेलबाग, तुळशीबागमंदिर, खुन्या मुरलीधर मंदिर, रास्ते वाडा यांची वर्णनं अतिशय वस्तुनिष्ठ आणि ओघवत्या शैलीत भोसले यांनी केली आहेत.
सरदार महादजी शिंदे, होळकर यांच्या छत्र्या, संत ज्ञानेश्वर-तुकाराममहाराजांची समाधीमंदिरं यांची वर्णनं, ब्रिटिश आमदानीत निर्माण झालेल्या वास्तूंपैकी कौन्सिल हॉल, पुराभिलेखागार, ससून रुग्णालय, महात्मा फुले मंडई, सिमला ऑफिस या सर्वांची निर्मिती व इतिहास या पुस्तकात वाचायला मिळतो.
या विद्यानगरीत निर्माण झालेल्या शैक्षणिक संस्था, त्यातील डेक्कन कॉलेज, फर्ग्युसन कॉलेज, अभियांत्रिकी महाविद्यालय, न्यू इंग्लिश स्कूल, पुणे विद्यापीठ आदी वास्तू व त्यांची निर्मिती यांचा आढावा भोसले यांनी घेतला आहे. ब्रिटिशांनी बांधलेलं सेंट मेरी चर्च आणि सेंट मॅथ्यूज चर्च, लाल देऊळ, कॅन्टोन्मेंट यांचाही विस्तृत आढावा या पुस्तकात वाचायला मिळतो. थोडक्यात, ऐतिहासिक पुण्याची यथार्थ परिचय करून देणारं हे पुस्तक संग्राह्य आहे.
Other Links:
|
|
|
|
प्रवास