|
सहप्रवासी
Author: वसंत सरवटे
Publisher: मेनका प्रकाशन
|
|
Price: $6.16 $4.92 20% OFF ( ~150 Pages, R180)*
Reaches you in 4 to 5 weeks. We do not carry inventory. Availability status of Marathi books is always fluid. We promptly post refund for OutOfPrint books. (More options)
|
* Price does not include shipping charge. It is calculated for the the full order.
Note: Because of lack of uptodate information, certain books could be out of print or unavailable. In such case, the cost for those books will be refunded in full to you.
Synopsis:
चित्रकार-व्यंगचित्रकार म्हणून ख्यातनाम असलेल्या वसंत सरवटे यांनी साहित्य व कलाक्षेत्रातल्या नामवंतांवर आणि सुहृदांवर प्रसंगोपात लिहिलेल्या लेखांचा हा संग्रह.
दीनानाथ दलाल आणि व्यंकटेश माडगूळकर यांच्या चित्रकलेवरील लेख; पु. ल. देशपांडे यांच्या "चित्रमय स्वगत"च्या प्रकाशनाच्या वेळचे भाषण; केशवराव कोठावळे, जयवंत दळवी, रमेश मंत्री, बालमित्र चित्रकार शि. द. फडणीस, श्याम जोशी यांच्यासारख्या दीर्घकालीन व निकटच्या स्नेह्यांवरील लेखांबरोबरीने केवळ एकदाच प्रत्यक्ष भेटलेल्या जगविख्यात छायाचित्रकार केकी मूस यांच्या जीवनाचा वेध; आणि गवाणकरांच्या हास्यचित्र कामगिरीचे रसग्रहण याबरोबरीनेच साहित्य-कलाक्षेत्रातील नसलेल्या दोन व्यक्तीही "आल्बम"मध्ये भेटतील.
सभोवतालचा विश्लेषणात्मक वेध घेत असताना सुद्धा सरवटे यांच्यामधील व्यंगचित्रकारही सतत जागृत असल्याचा प्रत्यय "सहप्रवासी"मध्ये येईल.
ई-सकाळ रविवार ७ मे २००६
सुहृदांची हृद्य चित्रे
वसंत सरवटे यांनी दीनानाथ दलाल, जयवंत दळवी, शि. द. फडणीस, रमेश मंत्री, अशा काही सुहृदांवर लिहिलेल्या सुंदर लेखांचा "सहप्रवासी' हा संग्रह. यात त्या लेखक कलावंतांच्या कर्तबगारीचा आलेख आहेच, शिवाय त्यांच्या वैशिष्ट्यांचाही वेध आहे. उदाहरणार्थ - केकी मूस यांच्या विलक्षण गूढ व्यक्तिमत्त्वाचा शोध घेण्याचा प्रयत्न किंवा आयुष्यभर व्यावसायिक कामे करणार्‍या दीनानाथ दलालांना लागलेला अभिजात चित्रकलेचा ध्यास. व्यंकटेश माडगूळकर लेखक आणि चित्रकारही असल्यामुळे त्यांची रेषा आणि भाषा यांवर, शि. द. फडणीस या बालमित्राबद्दल त्यांच्या हसरी गॅलरीबद्दल भरभरून लिहिले आहेच; पण शि.दं.नी चित्रकारांचा कॉपीराईट प्रयत्नपूर्वक प्रस्थापित केला, हेही सांगितले आहे. "चित्रमय स्वगत'मध्ये पु. ल. देशपांडे यांच्या पुस्तकासाठी काम करताना मिळणारा विशेष आनंद, जयवंत दळवींचा उमदा, परोपकारी स्वभाव आणि लेखनावरील निष्ठा, स्वत-च्या ताकदीवर प्रगत झालेले "मॅजेस्टिक'चे केशवराव कोठावळे, रमेश मंत्र्यांची जिद्द आणि उत्साह याबद्दल गौरवाने लिहिले आहे.
श्याम जोशींचा व्यंग्यचित्र ते पेंटिंग असा प्रवास, गवाणकरांची शिस्त, पूर्वनियोजन, याबरोबरच त्यांची प्रयोगशीलता टिपलेली आहे.
माधव सीताराम कात्रे आणि सोहराबजी जमशेटजी बालपोडीवाला (नावे काल्पनिक) अशीही दोन हृद्य व्यक्तिचित्रे आहेत. माधव हा लेखकाचा मित्र आणि बालपोडीवाला हा साहेब. बुद्धिमान पण विक्षिप्त स्वभावाची ही दोन्ही माणसं, पण त्यांची, तसेच श्याम जोशी, रमेश मंत्री यांची अखेर चटका लावून जाते.
पुस्तकाचा मोठा आकार आणि आत भरपूर चित्रे याची मुद्दाम नोंद करायला हवी.
- शकुंतला फडणीस
Maharashtra Times Review
Other Links:
|
|
|
|
लेख