|
घूमर
Author: आनंद अंतरकर
Publisher: मॅजेस्टिक प्रकाशन
|
|
Price: $6.85 $5.48 20% OFF ( ~180 Pages, R200)*
Reaches you in 4 to 5 weeks. We do not carry inventory. Availability status of Marathi books is always fluid. We promptly post refund for OutOfPrint books. (More options)
|
* Price does not include shipping charge. It is calculated for the the full order.
Note: Because of lack of uptodate information, certain books could be out of print or unavailable. In such case, the cost for those books will be refunded in full to you.
Synopsis:
प्रहार १८ मे २०१४
शब्दांची विलक्षण लयताल
सहज सुंदर भाषा, चपखल अशी विशेषणं, नियमित न भेटणारे तरीही अवघड, बोजड न वाटणारे शब्द, या शब्दांची लयदार गुंफणही मनाला मोहवून टाकून खिळवून ठेवणारी.. मात्र स्तब्ध न करता आपल्या अवखळ प्रवाहाबरोबर वाहवत नेणारी अशा भाषेच्या रंगीबेरंगी गिरक्यातून हे पुस्तक साकारलंय.
एकाहून एक सरस लेख, व्यक्तिचित्रण, प्रवासवर्णनं, आत्मचरित्रपर लेख यांनी समृद्ध असलेलं पुस्तक खरोखरच आपल्याला घूमर असल्याचा आनंद देते. घूमर हा राजस्थानी लोकनृत्यातला एक प्रकार आहे. भिल्ल जमातीनं हे नृत्य सुंदरतेनं विकसित केलं. फलकत्या रंगीबेरंगी वस्त्रांच्या गिरक्यांतून ते साकार होतं. या नृत्याला स्त्री-पुरुषांच्या गायनाची जोड मिळत राहते. नृत्यांगनांच्या गोलाकार गिरक्यातून हे नृत्य विलक्षण लयताल पकडतं. सारे झळाळते वस्त्ररंग एकमेकांत मिसळून जातात. स्त्रियांचे चेहरे बुरख्यांनी वेढलेले असतात. बहुतांश वेळा या नृत्यातून देवी सरस्वतीची आराधना केली जाते.
सहज सुंदर भाषा, चपखल अशी विशेषणं, नियमित न भेटणारे तरीही अवघड, बोजड न वाटणारे शब्द, या शब्दांची लयदार गुंफणही मनाला मोहवून टाकून खिळवून ठेवणारी.. मात्र स्तब्ध न करता आपल्या अवखळ प्रवाहाबरोबर वाहवत नेणारी अशा भाषेच्या रंगीबेरंगी गिरक्यातून साकारलेलं आनंद अंतरकरांचं घूमर..
शब्दांच्या दुनियेतील ही मुशाफिरी आपल्याला कळत नकळत देवी सरस्वतीची आराधना करायला लावते आणि घूमर हे पुस्तकाचे नाव किती योग्य आहे याची प्रतिची येते. लहानपणापासून पुस्तकांच्या दुनियेत जगणारे आनंद अंतरकर यांच्यात शब्द, भाषा किती झिरपली आहे, हे पुस्तक वाचताना शब्दा शब्दाला जाणवत राहते. त्यांनी दिलेल्या उपमा आपल्याला त्यांचे सुक्ष्म निरीक्षण दाखवून देतात.
निजामुद्दीन मागे पडलं, बस बरीच पुढे आली, पण तिथल्या दोन प्रतिमा तांत्रिक अडचणीमुळे टीव्हीच्या पडद्यावर अडकून पडलेल्या चित्रासारख्या मनात स्थिरावलेल्या. सोनबहराचा बहावा आणि त्या पुरातन किल्ल्याची विदीर्ण, विकलांग आणि आकांत करीत उभी असलेली वास्तू. मनभर विखरत राहिल्या पिवळ्या पाकळ्या आणि भंगलेल्या चि-यांची धूळ.. माय मसुरी लेखातील हा परिच्छेद अंतरकर यांचे सुक्ष्म निरीक्षण त्याचा उपमांसाठी केलेला चपखल वापर दाखवून देतो. शब्द भांडाराने समृद्ध असणारे अंतरकर यांचे शब्द आपल्याला बंबाळ करत नाहीत. तर आपल्याला शब्दांची ओळख करून देतात, तेही अतिशय सहज सोप्या रीतीने.
पोरवयातलं अंबरनाथमधील ढगळढवाळ, माय मसुरीतील भ्रमचित्त, नवलबाधित असे शब्द आपल्याला उगाच घाबरवत नाहीत तर लेखनाच्या लयीत त्यांचे अर्थ सांगून जातात, तेही कोणता शब्दकोश न हाताळता.
स्वरलागण, प्रकृतिवृक्ष पारिजात, पोरवयातलं अंबरनाथ, प्राणसंकट या लेखांतून अंतरकर यांचे बालपण त्यांना त्यांच्या वडिलांकडून मिळालेली संस्कारांची शिदोरी यांची माहिती होते. स्वरांची जाण, अभिनय, गीत, संगीत, लेखन यांचा वारसा त्यांना कसा लाभला याचा पट या लेखांतून आपल्यासमोर उलगडत जातो. आणि एका अर्थानं आमचं घर म्हणजे सा-या कलांचं, अभिनयाचं, विनोदाचं, संगीताचं आणि साहित्याचं संस्कारपीठचं होतं हे वाक्य तंतोतंत पटतं.
अंतरकर यांचे सारेच लेख वेगवेगळ्या काळातले, जीवनाच्या वेगवेगळ्या टप्प्यातले आहेत, ते वाचताना त्यात काहीतरी निसटलंय अशी अतृप्तता कुठेच येत नाही. लेखाच्या सुरुवातीपासून ते शेवटापर्यंत तो फक्त आणि फक्त वाचनाची तृप्ती देऊन जातात. मराठी भाषेच्या अभ्यासाबरोबरच त्यांचं इंग्रजीचं वाचन आणि त्याचा अभ्यासही या लेखांतून आपल्याला जाणवत राहतो. पुस्तकांचे योग-वियोग लेखात ते आपल्या या वाचनारंभाची, पुस्तकांच्या गोडीची आणि पुस्तकांच्या वियोगांची गोष्ट सांगतात. लेखकाची संवेदनशीलता त्यांच्या लेखांतील वर्णनातून आपल्याला अनेकदा हळवी करून जाते. तसंच मेणाचं घरमध्येही आपण हळवे होऊन जातो.
सृजनाच्या वाटांमध्ये आनंद अंतरकर यांचे छंद आणि त्यासाठी घेतलेले परिश्रम यांची माहिती होते. सृजनाची म्हणून खूपशी तयारी माणसाकडून आधी झालेली असावी लागते. जीवनातले बरेचसे संस्कार अंगी पुरेपूर बाणवलेले असावे लागतात. विशेषत: अवलोकन, निरीक्षण, वाचन, व्यासंग, चिंतन-मननाची सवय, पाहिलेल्या किंवा वाचलेल्या गोष्टींचा अन्वयार्थ लावण्याची क्षमता, स्वानुभवाचं उपयोजन आणि मग प्रत्यक्षपणे केलेला सृजनाचा प्रयत्न, या साधारणत: सृजनाच्या पायाभूत पाय-या असतात. पुढे आशयानुरूप या सृजनाला रूप-रस-गंध ही परिमाणं लाभत जातात. सृजनाचा हा ओनामा किंवा कित्ते गिरवल्याशिवाय कोणीही माणूस मोठा सर्जक होणं अशक्य, असं लेखकांनीच म्हटलं आहे. लेखकानं हे सर्व कित्ते गिरवले असल्याचं आणि त्यांच्या सर्जक असण्याचं उदाहरण म्हणजेच घूमर होय.
Other Links:
|
|
|
|
लेख