|
माझं प्रिस्क्रिप्शन
Author: आनंद नाडकर्णी
Publisher: समकालीन प्रकाशन
|
|
Price: $4.28 $3.42 20% OFF ( ~134 Pages, R125)*
Reaches you in 4 to 5 weeks. We do not carry inventory. Availability status of Marathi books is always fluid. We promptly post refund for OutOfPrint books. (More options)
|
* Price does not include shipping charge. It is calculated for the the full order.
Note: Because of lack of uptodate information, certain books could be out of print or unavailable. In such case, the cost for those books will be refunded in full to you.
Synopsis:
दिवसेंदिवस वाढत्या महागाईचा सामना करताना सर्वसामान्य माणूस जेरीला येतो. त्यातूनच घरात कोणी आजारी असेल, तर त्या रुग्णाच्या उपचारांसाठी उभा करावा लागणारा पैसा ही मोठीच चिंतेची बाब बनते. स्वस्त आरोग्यसेवेसाठी आयुष्यभर झटणार्‍या डॉ. नाडकर्णींचं आपल्या अनुभवांवर आधारित असं हे पुस्तक.
Review courtesy of eSakal:
ई-सकाळ १० जून २०१२
वैद्यकीय अनुभवांचं प्रांजळ कथन
-- प्रतिनिधी
दिवसेंदिवस वाढत्या महागाईचा सामना करताना सर्वसामान्य माणूस जेरीला येतो. त्यातूनच घरात कोणी आजारी असेल, तर त्या रुग्णाच्या उपचारांसाठी उभा करावा लागणारा पैसा ही मोठीच चिंतेची बाब बनते. डॉक्टरांची फी, महागड्या चाचण्या, शस्त्रक्रिया आणि औषधोपचार यांचे खर्च प्रचंड वाढताहेत. डॉक्टर सांगतील त्याप्रमाणे निमूटपणे आजाराच्या निदानासाठीच्या सगळ्या चाचण्या करणं आणि ते सांगतील तसे उपचार करून घेणे पेशंटला भाग पडतं. पण करंच इतक्या महागड्या चाचण्या, उपचार यांची प्रत्येक आजारात गरज असते का? आणि इतका पैसा खर्च करून रुग्णाला खात्रीशीर, परिणामकारक उपचार खरंच मिळतात का? पूर्वीच्या काळात इतक्या अत्याधुनिक सोयी नसतानाही तेव्हाचे डॉक्टर आपलं कौशल्य पणाला लावून यशस्वी उपचार करतच होते. पण अलीकडच्या काळात असे डॉक्टर अभावानंच आढळतात. त्यातलेच एक मुंबईतले प्रख्यात सर्जन डॉ. सदानंद नाडकर्णी, स्वस्त आरोग्यसेवेसाठी आयुष्यभर झटणार्‍या डॉ. नाडकर्णींचं आपल्या अनुभवांवर आधारित "माझं प्रिस्क्रिप्शन' हे पुस्तक समकालीन प्रकाशनानं नुकतंच प्रकाशित केलंय. रोजच्या जगण्याशी निगडित असणारे विषय तळमळीनं हाताळणारी पुस्तकं प्रकाशित करण्याच्या समकालीनच्या परंपरेला साजेसंच हेही पुस्तक आहे.
२५०-३०० वर्षांपूर्वी आम्रो पारे या फ्रेंच सर्जननं युद्धात जखमी, घायाळ होणार्‍या सैनिकांवर अपुर्‍या सोयीसुविधा असतानाही खूपच चांगले उपचार केले. एकोणिसाव्या शतकात सिमेलवीस यानं जंतूसंसर्गाचं निदान केलं. त्या काळात लोकांना जंतूंमुळे रोग होतात हे पटवून देण्यासाठी तो खूप झगडला. पण लोकांनी त्याला चक्क वेडा ठरवला. १८७५ च्या सुमारास लॉर्ड लिस्टर यानं निर्जंतुक शस्त्रक्रिया पाया घातला आणि त्यानंतर सिमेलवीसचं म्हणणं लोकांना पटायला लागलं. जर्मनीचा रॉबर्ट कॉक आणि फ्रान्सचा लुई पाश्चर यांनी जंतूंमुळे रोग होतात आणि प्रत्येक रोगाचे विशिष्ट जंतू असतात हे सिद्ध केलं. याच काळात होरेस वेल्स यानं भूल देऊन वेदनारहित दात काढता येतात हे दाखवून दिलं. लॉर्ड सिमसननं व्हिक्टोरिया राणीची वेदनारहित प्रसूती केली. १८८० ते १९२० या काळातले बिलरॉथ, मॅसीवन, हाल्स्टेड अशा अनेक जगप्रसिद्ध सर्जनांनी अॅंटिबायोटिक्स नसताना, रक्तच काय साधं सलाईनही देण्याची सोय नसताना अनेक अवघड शस्त्रक्रिया यशस्वी केल्या. या सगळ्यांनाच डॉ. नाडकर्णींनी नेहमीच आपले आदर्श मानलं. त्याशिवाय राष्ट्र सेवा दलाचे संस्कार त्यांच्यावर झाले. ग. प्र. प्रधान, एस. एम. जोशी यांच्या समाजवादी विचारसरणीचा प्रभावही होताच. या सगळ्यामुळे साधी रहाणी आणि उच्च विचारसरणी ही डॉक्टरांच्या अंगात रुजत गेली. वैद्यकीय शिक्षण पूर्ण केल्यानंतर आधी मंगरूळ, गोवा आणि नंतर मुंबईच्या सायन हॉस्पिटलमध्ये त्यांनी काम केलं. ही सगळी हॉस्पिटल्स सरकारी असल्याने तिथे येणार्‍या रुग्णांपैकी बहुतांशी रुग्ण हे गरीब कुटुंबातून आलेले असत. त्यातच हॉस्पिटलमध्येही आधुनिक यंत्रसामग्री, सोयीसुविधा यांचा अभाव आणि शिवाय कार्यपद्धतीतही सुसूत्रता नसे. अपघात झालेले, भाजलेले, निरनिराळ्या जखमा झालेले, हाडं मोडलेले, वेगवेगळ्या रोगांचा संसर्ग झालेले असे असंख्य रुग्ण तिथे येत असत. शिवाय, लहान मुलं, गर्भवती आणि बाळंतीण बायका याही असत. डॉक्टरांनी आपल्या प्रयोगशील वृत्तीनं या सगळ्यांसाठीच परवडेल अशा तर्‍हेनं उपचार केले. डॉक्टरांनी इथल्या कामकाजात सुसूत्रता, शिस्त आणली. या सगळ्या प्रवासात त्यांना दुर्दैवानं सहकार्‍यांपैकी फारशी कोणाची साथ मात्र मिळाली नाही. मात्र, कुटुंबीयांचं प्रोत्साहन आणि पाठिंबा सतत त्यांच्याबरोबर होता आणि मुख्य म्हणजे रुग्णांकडून मिळणारा विश्वास आणि आदर डॉक्टरांसाठी खूप मोलाचा ठरला. त्यांच्या याच सगळ्या अनुभवांचं कथन म्हणजे हे पुस्तक आहे. साध्या, सोप्या, ओघवत्या भाषेत लिहिलेलं हे पुस्तक आवर्जून वाचावं असंच आहे.
Other Links:
|
 |
|
|
वैद्यक