|
हसगत
Author: दिलीप प्रभावळकर
Publisher: राजहंस प्रकाशन
|
|
Price: $6.85 $5.48 20% OFF ( ~200 Pages, R225)*
Reaches you in 4 to 5 weeks. We do not carry inventory. Availability status of Marathi books is always fluid. We promptly post refund for OutOfPrint books. (More options)
|
* Price does not include shipping charge. It is calculated for the the full order.
Note: Because of lack of uptodate information, certain books could be out of print or unavailable. In such case, the cost for those books will be refunded in full to you.
Synopsis:
मराठी रंगभूमीवरील एक बहुरूपी व अभिजात अभिनेता म्हणून दिलीप प्रभावळकर यांनी मोठा लौकिक मिळवलेला आहे. ही वाटचाल चालू असतानाच प्रभावळकर यांनी 'मोहिनी'तून आपल्या विनोदी लेखनाची पावले टाकायला सुरुवात केलेली होती. गेल्या सुमारे वीस वर्षांत त्यांनी लिहिलेल्या तेरा निवडक विनोदी कथांचा हा संग्रह.
प्रभावळकर यांचा विनोद बुद्धीग्राह्य नसून हृदयग्राह्य आहे. त्यामुळे साहजिकच हा विनोद बंधनातीत आहे; आणि म्हणूनच त्याचा संचार व आकर्षणही व्यापक आहे. अतिशय निरागस व प्रसन्न शैलीतून हा विनोद फुलतो. अभिनयाप्रमाणेच प्रभावळकर यांच्या लेखनालाही एक सुखद सहजता प्राप्त झाली आहे. धबधब्यासारखा कोसळणारा हा विनोद नाही; तर पाणफुले शिंपीत झुळझुळणार्‍या कारंज्यासारखी त्याची जातकुळी आहे. भाबड्या, निरागस व्यक्तिरेखा आणि प्रसंगनिष्ठ विनोद यांच्या सांगडीतून प्रभावळकरांनी या कथांची खुमासदार निर्मिती केली आहे. हे कथालेखन करतांना त्यांना नाट्यकलेतील आजवरचा उदंड अनुभव उपयुक्त ठरल्याचे जाणवते.
प्रभावळकर यांनी ह्या विनोदी कथा लिहितांना कथाघाटातील विविधतेकडेही लक्ष पुरवले आहे. त्यामुळे या कथा एकसाची झालेल्या नाहीत. या दृष्टीने 'हसगत'मधील 'छंद किशाचा', 'हॅलो... हॅलो... ', 'वामन शिवराम' या कथा विशेष लक्षवेधक ठरतात.
मराठी विनोदी कथेची आजची बिकट दशा पाहता, प्रभावळकरांची ही चमकदार 'हसगत' वाचकाला थोडा नवा दिलासा देऊन जाईल असा विश्वास वाटतो.
|
 |
|
|
कथासंग्रह