|
माणसं!
Author: अनिल अवचट
Publisher: मौज प्रकाशन
|
|
Price: $4.31 $3.44 20% OFF ( ~180 Pages, R125)*
Reaches you in 4 to 5 weeks. We do not carry inventory. Availability status of Marathi books is always fluid. We promptly post refund for OutOfPrint books. (More options)
|
* Price does not include shipping charge. It is calculated for the the full order.
Note: Because of lack of uptodate information, certain books could be out of print or unavailable. In such case, the cost for those books will be refunded in full to you.
Synopsis:
"... ह्या ग्रंथात डोंबारी, कोल्हाटी, मदारी, फासेपारधी अशा अनेक सर्वथा दुर्लक्षित जमातींच्या जीवनाचा वेध घेण्याचा जो प्रयत्ना केलेला आहे तो मला प्रशंसनीय वाटतो. त्यांच्या जीवनातले बारीकसारीक तपशील तुम्ही टिपलेले दिसतात आणि तेदेखील इतक्या सह्रदयेने टिपलेले आहेत की त्यांच्या जीवनात खोलवर न उतरलेल्या लेखकाला ते शक्यच झाले नसते. गावगडयातील कारूनारू व अलुतेबलुतेदारांपलिकडच्या ह्या जमाती होत. त्यांच्या अस्तित्वामुळे भारतीय समाजाच्या बहुरंगी गोधडीत आणखी काही वेगळ्याच रंगांचे तुकडे जोडले जाऊन ती कदाचित वरकरणी तरी अधिक आकर्षक बनत चालल्याचा भास होत असेल. पण मला मात्र ह्या रंगीबेरंगी चिंध्या लवकरात लवकर नष्ट व्हाव्यात असे वाटते. समाजाच्या ऐन प्रवाहात हे सामाजिक लेंड-ओहोळ जलदीने एकरूप होतील तर फार बरे होईल. आणि होणार आहे तसेच. त्यांना वेगळे ठेवून कोणी वाचवू शकणार नाही. ज्या संदर्भात ते निर्माण झाले ते संदर्भच शून्यार्थ झालेले असताना जसे भिक्षुक, क्रम-जटा-घनपाठी गेले, जशी धनुर्विद्या व तिच्या अनुषंगाने आलेली हत्यारे-अवजारे गेली, तसेच हे नाडेभोरपी, फासेपारधी, डमरूवाले, वासुदेव-सगळे जाणार. त्यांच्या बालबच्च्यांना आपण ह्याची जाणीव करून दिली पाहिजे की काही नवे कसब, नवे हुन्नर शिका. कारण ह्या पिढीजात धंद्याच्या फुटक्या भोपळ्याच्या सांगडीवर बसून हा संसार-सागर यानंतर तुम्हांला पार करता येणार नाही. मला पुष्कळदा वाटत असते की आपण ह्या जमातींबद्दल अनेक वेळा जे चविष्टपणे लिहीत असतो त्यामुळे त्या बिचार्‍यांची फसवणूक तर होत नसेल ना? त्यांचे जिणे खरोखरच फार भकास, मद्दड व लाचार असे असते. आपल्यापैकी कोणी तसे जीवन महिना-पंधरा दिवससुद्धा जगण्यास तयार होणार नाही. जसे जात्यावरच्या ओव्यांची प्रशंसा करणे वेगळे आणि जाते ओढणे वेगळे, तसे हे! मला तुमचे सगळेच लेख आवडले. तुमच्या भाषेत मनाला चटका बसेल अशी धग आहे. वाचकाला बरोबर ओढून नेईल असा तिचा ओघ आहे. आणि सर्वात महत्त्वाचे म्हणजे तिच्यापाशी परदु:ख पाहून गहिवरणारे मन आहे. समाजातील सांदीकोपर्‍यांत पडून राहिलेल्या अनेक जाती, जमाती व मानवसमूह यांचे तुम्ही मराठी वाचकाला प्रथमच दर्शन घडवीत आहात आणि त्यांच्या समस्यांचे स्वरूप समजावून सांगता आहात याबद्दल मन:पूर्वक धन्यवाद."
|
 |
|
|
लेख